Goodwood
| Goodwood | |
  Goodwood
|
|
| Koördinate: | |
| Land |  Suid-Afrika |
|---|---|
| Provinsie | Wes-Kaap |
| Metropolitaanse Munisipaliteit | Kaapstad |
| Oppervlak | |
| - Voorstad | 16,27 km² (6,28 vk m) |
| Bevolking (2001) | |
| - Voorstad | 48 128 |
| - Digtheid | 3 000/km² (7 700/vk m) |
| Tydsone | SAST (UTC+2) |
| Poskode | 7460 |
| Skakelkode(s) | 021 |
Goodwood is 'n voorstad noord van Kaapstad. Die woord "Goodwood" beteken "plek van vriend van God".
Die eerste huise in Goodwood is ongeveer in 1900 tot 1905 opgerig en amptelik bestaan Goodwood sedert 1905, toe besluit is om 'n Kaapse woonbuurt te stig rondom 'n renbaan. Dié L-vormige baan het van die noordekant van die Hoërskool J.G. Meiring af tot verby die Laerskool Goodwoodpark gestrek, maar slegs een byeenkoms is ooit daarop gehou. Die woonbuurt is genoem na die beroemde renbaan in Sussex in Suidoos-Engeland wat deur 'n kleinseun van Karel II aangelê is. Dit is ook die gebied waar Goodwood House geleë is.
Goodwood het vinnig gegroei en het in 1938 munisipale status gekry. Tussen 1944 en 1946 is die dorpsgebiede Elsiesrivier en Monte Vista by Goodwood ingesluit. Edgemead het gevolg in 1969. Die eerste spoorweg stasie is gebou in 1905; vandag het Goodwood drie stasies: Goodwood, Vasco en Elsiesrivier, almal op die Kaapstad-Johannesburg hooflyn.
In 1968 is die Cape Hell Drivers as motorsport club gestig op die ou Goodwood skougronde, waar nou Grand West staan. Sinds Oktober 1995 is hulle aktief op Killarney, Table View.
