Gordon se koppie

in Wikipedia, die vrye ensiklopedie

Net noord van Aberdeen in die Oos-Kaap op die pad na Graaff-Reinet staan aan die oostekant van die pad 'n klein gedenkteken met die inskripsie “Gordon's Kop, Aberdeen, 1955”. Dit herdenk die reis wat Robert Jacob Gordon in 1777 en 1778 in hierdie kontrei gemaak het. In die tekeninge wat Gordon nagelaat het, is die kop oos van die monumentjie duidelik herkenbaar.