Gotland
Gotland is 'n eiland in Swede. Met 'n lengte van 125 km en 'n breedte van 55 km en 'n oppervlakte van 2994 km² is dit ook die grootste eiland in die land. Die hoofstad van die eiland is Visby, wat ook algemeen bekend staan as die Rosestad as gevolg van die baie rose wat daar groei.
Gotland is geleë in die Oossee, sowat 50 km ten suide van Stockholm. Vanuit die stad is daar 'n gereelde veerpontdiens.
Die eiland staan bekend vir sy vele brûe, ruïnes en ou dorpe. Die eiland bestaan uit kalksteen en sy natuur vertoon groot verskeidenheid met onder andere dennewoude, strande, druipsteengrotte en rotsformasies. Die klimaat op Gotland is matig; die eiland het ook meer sonligure as die vasteland van Swede. Toerisme is die belangrikste bron van inkomste op die eiland.
