Grön eld
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Grön eld (groen vuur) is 'n beeldhouwerk van glas wat deur Vicke Lindstrand gemaak is. Hierdie kunswerk is op Järnvägstorget, aan die voorkant van die sentrale stasie van Umeå, in die provinsie Västerbottens län, Swede geleë.
Die nege meter hoë beeldhouwerk was die grootste van sy soort ter wêreld ten tye van die onthulling daarvan in 1970.[1]
Geskiedenis[wysig | wysig bron]
Sven Wallander, hoof van die HSB (Hyresgästernas sparkasse – och byggnadsförening), het die beeldhouwerk in opdrag laat maak nadat hy die glasbeeldhouwerk genaamd Prisma van Vicke Lindstrand in Norrköping gesien het. HSB het die kunswerk aan die munisipaliteit van Umeå geskenk.
Lennart Johansson, wat die beeldhouwerk in 1970 gemonteer het, het die pers in Desember 2013 meegedeel dat hy 'n beeld van Mao Zedong in een van die glasvlamme versteek het.[2]
Die beeldhouwerk[wysig | wysig bron]
Grön eld bestaan uit drie gedraaide glaspilare wat na die bokant gepunt is. Die glaspilare is deur Swede se Emmaboda glasverk van drieduisend, nege millimeter dun glasplate gemaak. Die stukkies glas is met epoxy gom aan mekaar vasgeplak om die klimaat te kan weerstaan. Die nege meter hoë beeldhouwerk weeg 45 ton en staan op 'n swaar voetstuk van beton wat in die grond geanker is.