Grootfontein
- Hierdie artikel handel oor die dorp in Namibië. Vir ander gelyknamige stede en dorpe, sien Grootfontein (dubbelsinnig).
Grootfontein | |
|---|---|
Stad | |
 Ingang na Grootfontein | |
 Wapen | |
| Leuse(s): Fons Vitæ | |
  Grootfontein | |
| Koördinate: 19°33′57″S 18°06′12″O / 19.56583°S 18.10333°OKoördinate: 19°33′57″S 18°06′12″O / 19.56583°S 18.10333°O | |
| Land |  Namibië |
| Streek | Otjozondjupa |
| Stigting | 1885-1886 |
| Regering | |
| • Burgemeester | Emma Taukuheke[1] |
| Hoogte | 1 460 m (4 790 ft) |
| Bevolking | |
| • Totaal | 23 793 |
| Skakelkodes | 067 |
| Webwerf | Munisipaliteit van Grootfontein |
Grootfontein is 'n dorp in die noorde van Namibië (Otjozondjupa). Die dorp het 23 800 inwoners. Die burgemeester is Emma Taukuheke.
Geografie en klimaat[wysig | wysig bron]
Die dorp Grootfontein lê 1 460 meter bo seevlak in die Otavi-streek. Tesame met Otavi en Tsumeb, is dit die bes benutte deel tussen die Otaviberge. Die gemiddelde jaarlikse reënval beloop minstens 550 millimeter, wat heelwat hoër is as die gemiddeld vir Namibië en dus uitgebreide gewaslandbou moontlik maak.
Besienswaardighede in die omgewing is die Draak-se-asem-grot en die 60 ton Hoba-meteoriet.
Onderwys en godsdiens[wysig | wysig bron]
Die dorp het in 2010 'n Afrikaanse privaat skool gekry met die stigting van die Grootfontein Agri College wat benewens landbouvakke ook gewone onderrig van gr. 1 tot gr. 12 gebied het.[2] Dié skool het einde 2021 gesluit. Die Deutscher Schulverein Grootfontein bedryf sedert 1996 'n privaat Duitse laerskool met sowat 17 leerlinge.[3] In Januarie 2021 het die privaat skool Karstveld Academy met klasse van gr. RRR tot gr. 12 geopen in splinternuwe geboue.
Die Nederduitse Gereformeerde Kerk se NG gemeente Grootfontein is in 1945 hier gestig, twee jaar ná die plaaslike Gereformeerde kerk. Die Evangelies-Lutherse Kerk in Namibië (DELK) se plaaslike gemeente is reeds in 1910 tydens die Duitse koloniale bewind gestig.
Bekende boorlinge[wysig | wysig bron]
- Behati Prinsloo, 'n internasionale model.
Sien ook[wysig | wysig bron]
Verwysings[wysig | wysig bron]
- ↑ "Four towns re-elect mayors". "The Namibian". NAMPA. 9 Desember 2013. Geargiveer vanaf die oorspronklike op 7 Januarie 2019. Besoek op 18 Augustus 2014. (en)
- ↑ (af) Republikein berig oor die skool se prestasies[dooie skakel]
- ↑ (de) Inligting op die webtuiste van die Deutscher Schulverein Grootfontein Geargiveer 15 April 2015 op Wayback Machine
Eksterne skakels[wysig | wysig bron]
Wikimedia Commons het meer media in die kategorie Grootfontein.
