Håkan Hellström
Håkan Hellström | |
|---|---|
 | |
| Agtergrondinligting | |
| Geboortenaam | Håkan Hellström |
| Gebore | 2 April 1974 Västra Frölunda, Gotenburg, Swede |
| Assosiasies | Broder Daniel |
| Webwerf | hakanhellstrom.com |
Håkan Hellström (uitgespreek ˈhoːkan ˈhɛlːˌstrøm) (gebore op 2 April 1974 in Västra Frölunda, Gotenburg) is 'n Sweedse musikant. hy het sy deurbraak in Swede in 2000 gemaak met sy snit "Känn Ingen Sorg För Mig Göteborg" ("Toon Geen Medely Vir My, Goteburg", letterlik "Ken Geen Sorg Vir My, Gotenburg"). In 2005 het hy sy vierde album uitgereik, genaamd Nåt Gammalt, Nåt Nytt, Nåt Lånat, Nåt Blått (Iets Oud, Iets Nuuts, Iets Geleend, Iets Blou), wat 'n versameling is van ou materiaal wat nooit op enige albums uitgereik is nie, 'n paar nuwe snitte, en een cover. In 2006, ná die geboorte van sy eerstelingseun, het hy aangekondig dat hy vir tyd en wyl sy toere en opnames gaan staak. Ten spyte van hierdie aankondiging speel Hellström steeds soms op konserte. Op 8 Julie 2006 het hy op 'n konsert op die Sweedse Peace & Love-fees in Borlänge gespeel, voor ongeveer 12 000 toeskouers.
Hellström was die tromspeler van die Sweedse musiekgroep Broder Daniel tussen 1988 en 1994, en het in 1997 weer aangesluit om die baskitaarspeler te wees. Hy het die groep weer in 2003 verlaat om sy totale aandag op sy sololoopbaan te fokus. Ten spyte van die feit dat sommiges meen hy buite die note sing, het hy mettertyd gewild geraak onder alle ouderdomme weens sy entoesiasme en sy interpretasies van ou gewilde gunstelinge op die verhoog.
Diskografie[wysig | wysig bron]
Albums[wysig | wysig bron]
- Känn Ingen Sorg För Mig Göteborg (2000)
- Det Är Så Jag Säger Det (2002)
- Ett Kolikbarns Bekännelser (2005)
- Nåt Gammalt, Nåt Nytt, Nåt Lånat, Nåt Blått (2005)
Enkelsnitte[wysig | wysig bron]
Verwysings[wysig | wysig bron]
Eksterne skakels[wysig | wysig bron]
- Amptelike webwerf (Sweeds)
