HMS Pelorus

in Wikipedia, die vrye ensiklopedie
Spring na: navigasie, soek
Die HMS Pelorus in 1943.

Die HMS Pelorus was 'n mynveër van die Britse Vloot tydens die Tweede Wêreldoorlog. Sy is van die Algerine-klas en het onder andere diens gedoen tydens die D-dag-inval oor die Engelse Kanaal. Gedurende 1947 is die skip na Simonstad gestuur; die vloot basis daar was nog deur die Britse Vloot beheer. Sy is toe herdoop na die HMSAS Maritzburg. Op 21 Januarie 1948 is sy weer herdoop, die keer as die HMSAS Pietermaritzburg. Gedurende 1961 is haar naam verander na die SAS Pietermaritzburg. SAS staan vir Suid-Afrikaanse Skip. Gedurende 1962 is sy vernuwe en kort daarna was sy in 'n botsing betrokke met HMS Leopard, 'n Britse fregat. Een Britse seeman het gesterf. Gedurende 1991 is sy uit diens gestel en is op 19 November 1994 by Miller's Point, Simonsbaai gekelder.

Die wrak was sedertdien 'n gewilde plek vir amateurduikers. Weens vandalisme deur die duikers is die wrak as erfenisterrein verklaar sodat plunderaars vervolg kan word.

Bron[wysig]

  • Oorlogskip se rusplek erfenisarea. Beeld. 27 September 2013.