Hankey

Hankey
Uitsig oor Hankey
Hankey
Koördinate: 33°49′53″S 24°52′51″O
Land	Suid-Afrika
Provinsie	Oos-Kaap
Distriksmunisipaliteit	Cacadu
Plaaslike Munisipaliteit	Kouga
Oppervlak
- Stad	20,24 km²  (7,8 vk m)
Bevolking (2001)
- Stad	8,281
- Digtheid	410/km² (1 061,9/myl2)
Tydsone	SAST (UTC+2)
poskode	6350

Hankey is 'n landelike dorp in die westelike gedeelte van die Oos-Kaap, Suid-Afrika. Die dorp is in die Gamtoosvallei naby die Gamtoosrivier geleë.

Geskiedenis

Gravering van eerwaarde William Alers Hankey op 'n monument in Hankey.

Die dorp het ontstaan in 1825 toe die Londense Sendinggenootskap 'n stasie hier begin het. Die nuwe stasie is na William Hankey vernoem - die tesourier van die vereniging.

William Philip, seun van die bekende sendeling dr John Philip, het die moontlikhede gesien om die ryk spoelgrond langs die oewer van die rivier te besproei. Met behulp van arbeiders word 'n 270m tonnel deur 'n klipkoppie gekap om die lande te besproei. Daar is in 1842 begin met die tonnel en is op 1 Julie 1845 geopen. Daar was egter 'n fratsvloed op die dag in die Gamtoos en William en John Fairbairn (skoonseun van dr Philip) verdrink. Die tonnel voer vandag steeds water na die lande.

Distrik

Die distrik is 1 700 km² groot. Produkte wat verbou word is sitrus, tabak, lusern, groente en ander vrugte.

Sien ook

• Lys van dorpe in Suid-Afrika

Bron

• Op Pad in Suid-Afrika. B.P.J. Erasmus. 1995. ISBN 1-86842-026-4

Eksterne skakels

• Inligting oor Hankey (sa-venues.com) (en)