Hannes Meiring
Hannes Meiring (11 Oktober 1934, Potchefstroom[1] - 2 Mei 2010, Stellenbosch) was 'n bekroonde Suid-Afrikaanse argitek, grafiese kunstenaar, skilder en bewaarder van Suid-Afrika se argitektoniese erfenis. Hy het historiese geboue beskryf as "die sout en peper van 'n stad".[2] Hy het onder andere geveg vir die behoud van die ou geboue op Kerkplein en Pretoria se middestad soos die Ou Raadsaal en Paleis van Justisie van die Zuid-Afrikaansche Republiek, die Nederlandse Bank-gebou, die Café Riche, die Tudor-gebou, die Hoofposkantoor en die Reserwebank-gebou.[3]
Meiring was in 1986 betrokke by die uitbreiding en veranderinge aan die Parlement in Kaapstad, insluitend die ontwerp van die Groot Saal, die saal vir die Raad van Afgevaardigdes en bykomende kantore vir Parlementslede.[4]
Hannes Meiring is op 75-jarige ouderdom aan 'n hartaanval in sy huis oorlede. Hy laat sy vrou, die joernalis en skrywer Martie Retief-Meiring en sy dogter Kabous agter.[3]
Toekennings[wysig | wysig bron]
- Goue medalje van die Stigting Simon van der Stel vir sy bewaring van historiese erfenis.
- Meriete-toekenning van die Akademie vir Wetenskap en Kuns.
- Vier meriete-toekennings vir restorasie en argitektoniese ontwerp van die Transvaal Instituut van Argitekte in 1989 en 1993.
Bibliografie[wysig | wysig bron]
- Kruger's Pretoria - met Vivian Allen, AA Balkema, 1972
- Boukunsskatte van Suid-Afrika - Human & Rosseau, 1977
- Stellenbosch te voet - met Ters van Huyssteen, Tafelberg, 1979
- Pretoria 125 - met Anna Jonker, Human & Rosseau, 1980
- Hart van die Boland Deel I - met Ters van Huyssteen, Tafelberg, 1983
- Early Johannesburg, Its Buildings and People - met G.M. van der Waal, Wilhelm Grútter en Anna Jonker, Human & Rosseau, 1985, ISBN 0-7981-1456-8
- Footloose in Stellenbosch - a visitors guide met Ters van Huyssteen, Tafelberg, 1993
- Sanlam se 2002-kalender[5]
Verwysings[wysig | wysig bron]
- ↑ "Hannes Meiring" (html) (in Engels). stellenboschwriters.com. Geargiveer vanaf die oorspronklike op 23 Oktober 2019. Besoek op 4 Mei 2010.
- ↑ andiquote.co.za, besoek op 3 Mei 2010.
- ↑ 3,0 3,1 Hy was so lief vir die wêreld en vir mense[dooie skakel], Beeld se webwerf, besoek op 4 Mei 2010.
- ↑ Hannes Meiring sê ook ja vir Pretoria; Kaapstad sal sterf as parlement skuif - Kader Asmal[dooie skakel], Beeld, 10 Junie 1994.
- ↑ art.co.za Geargiveer 13 Mei 2009 op Wayback Machine, besoek op 3 Mei 2010.
Verdere naleeswerk[wysig | wysig bron]
- Soveel jare, soveel dinge... Hannes Meiring vernuwe op 73, Rapport, 16 Augustus 2007.
- Hannes "bewaar uit liefde"[dooie skakel], Die Burger, 5 Julie 2008.