Harrismith
| Harrismith | |
 |
|
.svg)  Harrismith
|
|
 Harrismith
|
|
| Koördinate: Koördinate: | |
| Land |  Suid-Afrika |
|---|---|
| Provinsie | Vrystaat |
| Distriksmunisipaliteit | Thabo Mofutsanyana |
| Plaaslike Munisipaliteit | Maluti-a-Phofung |
| Stigting | 1849 |
| Vernoem na | Sir Harry Smith |
| Hoogte | 1 630 m (5 348 vt) |
| Bevolking (2010) | |
| - Stad | 38 851 |
| Tydsone | SAST (UTC+2) |
| Poskode | 9880 |
| Skakelkode(s) | 058 |
| Hoofstraat | Warden Straat |
Harrismith is ‘n Oos-Vrystaatse dorp geleë aan die N3 hoofroete tussen Gauteng en KwaZulu-Natal. Die N5 nasionale pad na en van Winburg begin ook hier.
Inhoud |
Geskiedenis [wysig]
Nadat Sir Harry Smith die Voortrekkers by Boomplaats verslaan het, het hy gevoel dat 'n nuwe distrik verder noord gestig moes word om beheer oor die Voortrekkers te hou. 'n Dorp is by Majoorsdrif in die Elandsrivier aangelê en Vrededorp genoem. Die drif was reeds die spilpunt van verkeer na en van Johannesburg en Durban. Dié dorp het 25 km wes gelê van die bestaande dorp. Weens 'n gebrek aan water moes die dorp verskuif word. Die plaas Gemsbokhoek van Jan Snyman aan die oewer van die Wilgerivier, aan die voet van die Platberg, is gekies as plek waar die nuwe dorp uitgelê moes word. Inwoners van Vrededorp kom nuwe erwe gratis in die nuwe dorp kies. Landdros Paul Bester het die nuwe dorp vernoem na Sir Harry Smith. Die eerste erwe is op 16 Januarie 1850 verkoop. Die dorp het in 1875 'n munisipaliteit geword.
Na die ontdekking van diamante te Kimberley het minstens 50 waens per dag deur die dorp beweeg. Die ontdekking van goud in die Witwatersrand het die getal verhoog. Die spoorlyn tussen Durban en Johannesburg is eers in 1905 voltooi.
Distrik [wysig]
Die distrik is 8 000 km2 groot en lewer suiwelprodukte, beesvleis, skaapvleis, koring, mielies en aartappels. Daar is verskeie vervaardigingsnywerhede in die dorp. Die gebied is ook bekend vir sy perdestoetplase.
Platberg [wysig]
Die Platberg ('n berg net buite die dorp en 2 395m bo seevlak) is bekend om die jaarlikse bergmarathon op 10 Oktober. Die roete behels 'n klim van 605 m oor 'n afstand van 5 km tot op die kruin van Platberg, 'n ent met die kruin en later weer af teen die berg.
