Harry Frederick Oppenheimer
Harry Frederick Oppenheimer (* 28 Oktober 1908 in Kimberley; † 19 Augustus 2000 in Johannesburg) was 'n prominente Suid-Afrikaanse besigheidsman en een van die rykste mense ter wêreld.
Oppenheimer was die seun van May Pollack[1] en Ernest Oppenheimer. Hy is gebore in 'n geassimileerde Joodse familie van Duitse oorsprong in Kimberley, die oorspronklike gebied waar diamante gemyn is, maar leef vir die grootste deel van sy lewe in Johannesburg. Toe hy dertien word het hy 'n formele Bar mitzvah-seremonie in 'n sinagoge in Kimberley ontvang, maar neem die Christelike geloof met sy troue aan.
Nadat hy laerskool in Johannesburg voltooi het, woon hy die Charterhouse School in Engeland by. Daarna skryf hy in by Christ Church, Oxford University en gradueer in 1931 in Filosofie, Politiek en Ekonomie.
