Harry Smith

in Wikipedia, die vrye ensiklopedie
Spring na: navigasie, soek
Sir Harry Smith, 1ste Baronet
28 Junie 1787 – 12 Oktober 1860 (73 jaar oud)
Harry Smith
Geboorteplek Whittlesey, Cambridgeshire, Koninkryk van Groot-Brittanje
Plek van afsterwe Londen, Verenigde Koninkryk
Lojaliteit Vlag van Verenigde Koninkryk Verenigde Koninkryk
Diens/Tak Flag of the British Army.svg Britse leër
Jare in diens 1805 -
Rang Luitenant-generaal
Veldslae/oorloë Napoleontiese Oorloë

Anglo-Amerikaanse Oorlog van 1812
Xhosa-oorloë
Gwalior-veldtog
Eerste Anglo-Sikh-oorlog
Slag van Boomplaats

Toekennings GCB
Familie Juana María de los Dolores de León Smith
Ander werk Goewerneur van die Kaapkolonie (1847–1852)
Sy vrou, Juana María de los Dolores de León Smith.

Sir Harry George Wakelyn Smith (Cambridgeshire, 28 Junie 1787 - 12 Oktober 1860) was 'n Britse goewerneur en hoë kommissaris.

Hy neem van 1808 af aan verskeie veldslae deel en word in 1829 aangestel as waarnemende kwartiermeester aan die Kaap. In 1835 speel hy 'n leiersrol in die Sesde Grensoorlog en is in bevel van die patrollie wat Hintsa laat sneuwel. In 1840 verlaat hy Suid-Afrika en word adjunk-generaal van 'n Britse leër in Indië. Hy keer egter op 1 Desember 1847 terug as goewerneur en hoë kommissaris en proklameer Kaffrarië op 23 Desember tot Britse gebied. Die jaar daarop besoek hy die gebied noord van die Oranjerivier en verklaar op 3 Februarie 1848 die gebied tussen die Oranje- en Vaalrivier tot Britse gebied en verslaan die Boere by Boomplaats. Op 14 Maart 1849 kondig hy regulasies aan vir die regering van die Oranjerivier-Soewereiniteit. Hy word op 31 Maart 1852 opgevolg deur sir George Cathcart en kom op 1 Junie van daardie jaar in Engeland aan, waar hy agt jaar later sterf.

Nalatenskap[wysig]

Harrismith en Smithfield in die Vrystaat is na hom vernoem, Fauresmith na hom en ds. P.E. Faure en Ladismith in die Wes-Kaap en Ladysmith in KwaZulu-Natal na sy vrou.

Die dorp Aliwal-Noord is ook sy stigting en naam te danke aan Sir Harry Smith, wat 'n veldslag te Aliwal in Indië in 1846 gewen het.

Sien ook[wysig]

Bronne[wysig]

  • Albertyn, C.F. dr. (hoofred.). 1972. Die Afrikaanse Kinderensiklopedie. Kaapstad: Nasou.
  • Raper, P.E. 1987. Dictionary of South African Place Names. Johannesburg: Lowry Publishers.