Hartmannse Bergkwagga
| Hartmannse Bergkwagga | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 Hartmannse Bergkwagga
|
||||||||||||||||||
| Bewaringstatus | ||||||||||||||||||
| Wetenskaplike klassifikasie | ||||||||||||||||||
|
||||||||||||||||||
| Trinomiale naam | ||||||||||||||||||
| Equus zebra hartmannae (Matschie, 1898) |
||||||||||||||||||
 |
Die Hartmannse Bergkwagga (Latyn: Equus zebra hartmannae) is deel van die perdagtige diere en kom hoofsaaklik in Namibië voor. Die dier staan ook bekend as die Hartmannse Bergsebra.
Inhoud |
[wysig] Bou en kleur
Die dier het die tipiese sebra voorkoms naamlik swart strepe met 'n geelwit agtergrond. Die strepe gaan duidelik af by die bene tot by die hoewe terwyl die strepe op die lyf by die pens ophou. Die pens is wit. Kenmerke van die dier is die keelvel en die oranje snoet. Die spesie het nie skadustrepe soos die Vlaktekwagga nie. Hulle is groter as die Kaapse Bergkwagga. Die hingste is effens swaarder as die merries. Die hings weeg tot 330 kg terwyl die merrie tot 300 kg kan weeg.
[wysig] Habitat en gewoontes
Die Hartmannse Bergkwagga verkies klipperige berghange met genoeg weiding en drinkwater. Die diere is groeplewende diere en vorm klein troppies. 'n Tipiese troppie bestaan uit 'n dominante hings en met sy familie; die dier is baie groepsgebonde. Die diere wei in die koeler tye van die dag en rus in skaduwees as dit warm is en hou ook van 'n stofbad. Een vul word enige tyd van die jaar gebore na 'n dratyd van 12 maande.
[wysig] Vyande
Die dier se natuurlike vyande is die gevlekte hiëna, leeu en jagluiperd.
[wysig] Sien ook
- Lys van Suider-Afrikaanse soogdiere
- Lys van Suider-Afrikaanse soogdiere volgens wetenskaplike name
- Suider-Afrikaanse soogdiere en hul ordes
[wysig] Bron
- Die Soogdiergids van Suider-Afrika. Burger Cillié. ISBN 978 1 875093 46 5. 2009
