Hawaise gans
| Hawaise gans | ||||||||||||||
|---|---|---|---|---|---|---|---|---|---|---|---|---|---|---|
 |
||||||||||||||
| Bewaringstatus | ||||||||||||||
| Wetenskaplike klassifikasie | ||||||||||||||
|
||||||||||||||
| Binomiale naam | ||||||||||||||
| Branta sandvicensis (Vigors, 1833) |
Die Hawaise gans (Branta sandvicensis), ook bekend onder sy plaaslike naam, Néné, is 'n gans wat slegs op die Hawaise eilande Maui, Kauai en Hawai voorkom.
Die Hawaise gans het in die middel van die 20ste eeu byna uitgesterf: in 1950 was daar maar 'n geskatte 30-50 ganse in die hele wêreld. 'n Intensiewe broeiprogram het die voëls van uitwissing gered en, alhoewel bevolkings vandag geensins volop is nie, het navorsing uit 2006 op meer as 1600 individue gedui.
Die mannetjies- en wyfiegans het identiese veredosse: lig- en donkerbruin gestreepte lywe met 'n kenmerkende donker ring aan die ondernek. Die nek self is lig gekleurd, met 'n donker streep op die agternek wat van onder na bo loop tot by die kop. Die gesig is ook donker gekleurd.
Hawaise ganse is baie astrant, veral teenoor mense.
Hul dieet bestaan hoofsaaklik uit gras, saad en bessies, maar hulle sal ook die lêkorrels van hoenders en eende vreet.
Hierdie ganse broei tussen Mei en September. Hulle bou 'n nes op die grond wat die wyfie dan met dou uitvoer. Sy lê drie tot ses roomwit eieres wat na 30 dae uitbroei. Die kuikens is self na twee jaar broeigereed.
[wysig] Bronnelys
- BirdLife International (2008) Branta sandvicensis In: IUBN 2009. IUBN Rooi Lys van Bedreigde Spesies. Weergawe 2009.2. www.iucnredlist.org Verkry op 31 Januarie 2010.
- Hilko Insel, (2005): Eksotiese Watervoëls. LAPA Uitgewers, Pretoria. ISBN 0799334286
