Hede
Die hede is die tyd wat direk ondervind en ervaar word en nie 'n herinnering of 'n spekulasie is nie. Die hede word normaalweg as 'n punt in ruimtetyd beskou en daar word gereeld daarna as "nou" verwys, alhoewel dit ook as 'n tydsduur beskou kan word.
Wanneer tyd in plekke wat ver van mekaar verwyderd is vergelyk word, word die opvatting of begrip van "die hede" onduidelik. Daar word aanvaar dat sterre "nou" die posisies beklee waarin ons hulle waarneem, maar alhoewel lig teen 'n benaderde spoed van 299 792 458 m·s-1 reis, neem dié sterre se lig 'n aantal jare om die aarde te bereik. (Die ster naaste aan ons sonnestelsel is Proxima Centauri, wat 4,22 ligjare ver is.[1])
Wanner die term "Before Present" ("Vóór Hede") gebruik word, byvoorbeeld tydens koolstofdateringsprosesse, verwys "hede" na die jaar 1950 n.C.
Die moderne fisika het nog nie daarin geslaag om te verduidelik hoe die term "nou" begryp kan word nie. Verder is daar geen bewysbare rede waarom tyd in enige spesifieke rigting hoef te beweeg nie. Sommige beweer dat die idee van 'n "hede" 'n illusie is en dat dit nie die ware natuur van realiteit voorstel nie. Die term "nou" kan miskien beter verstaan word as 'n onrealistiese konsep wat onder mense en diere ontwikkel het om sodoende te dien as 'n begrip van realiteit wat nodig is insover dit mense en diere help om te oorleef.
Verwysings[wysig | wysig bron]
- ↑ Astronomy picture of the day - Proxima Centauri. Laaste besoek op 4 April 2009.
Eksterne skakels[wysig | wysig bron]
Wikiwoordeboek het 'n inskrywing vir hede.
| Sleutelbegrippe | |||||||||
|---|---|---|---|---|---|---|---|---|---|
| Meting en standaarde |
| ||||||||
| |||||||||
| Menslike ervaring en gebruik van tyd | |||||||||
| Tyd in wetenskap |
| ||||||||
| Verwante onderwerpe | |||||||||
