Heidelberg, Gauteng
vanuit Wikipedia, die vrye ensiklopedie.
| Heidelberg | |
.svg)  Heidelberg
|
|
| Koördinate: | |
|---|---|
| Land |  Suid-Afrika |
| Provinsie | Gauteng |
| Distriksmunisipaliteit | Sedibeng |
| Plaaslike Munisipaliteit | Lesedi |
| Stigting | 1866 |
| Bevolking (2010) | |
| - Stad | 73 738 |
| Tydsone | SAST (UTC+2) |
Heidelberg is 'n dorp met 70 707 inwoners in die Gautengprovinsie van Suid-Afrika. Heidelberg is aan die voet van die Suikerbosrand, langs die N3-snelweg wat Johannesburg en Durban verbind geleë. Die dorp het in 1862 ontstaan as 'n handelstasie, opgerig deur 'n Duitser, H.J. Uekermann.
Inhoud |
[wysig] Besienswaardighede
- Heelwat van die geboue wat dateer uit die tydperk 1890 tot 1910 het behoue gebly en is steeds deel van die kenmerk van Heidelberg.
- Die huis van A.G. Visser, die bekende Afrikaanse digter is geleë in die dorp.
- 'n Konsentrasiekamp-begraafplaas van vroue en kinders wat gesterf het gedurende die Tweede Vryheidsoorlog.
- Heidelberg Vervoer Museum is gesluit na British American tabacco se geldelike steun onttrek is.
- Die Suikerbosrand Natuurreservaat het 'n groot verskeidenheid dier-, plante- en voëlspesies.
- Heidelberg Kloof was 'n gewilde ontspanningsoord met verskeie fasiliteite soos swem, piekniek en kampering, dit is nou 'n eksklusiewe woonbuurt.
- Daar is 'n gedenkteken vir die Driemanskap wat die Zuid-Afrikaansche Republiek in 1880 voorlopig uit Heidelberg bestuur het.
- Die NG Kerk, ingewy in 1890, is tot 'n nasionale monument verklaar.
[wysig] Distrik
Die is 3 724km2 groot. Die belangrikste produkte is suiwel, beesvleis en mielies.
