Helen Suzman
| Helen Suzman | |
 Helen Suzman in 1959. |
|
|
LP vir Houghton
|
|
| Ampstermyn 1953 – 1989 |
|
|
|
|
| Gebore | 7 November 1917 Germiston, Suid-Afrika |
|---|---|
| Sterfte | 1 Januarie 2009 Johannesburg |
| Politieke party | Verenigde Party Progressiewe Party Progressiewe Reformiste Party Progressiewe Federale Party Demokratiese Party |
| Alma Mater | Universiteit van die Witwatersrand |
Helen Suzman (7 November 1917 - 1 Januarie 2009) is in Germiston, Suid-Afrika gebore as Helen Gavronsky, die dogter van Litaus-Joodse immigrante.
Sy was 'n politikus en verbete stryder teen apartheid. Sy het Ekonomie en Statistiek aan die Universiteit van die Witwatersrand studeer.
Op 20-jarige ouderdom trou sy met dr. Moses Suzman. Hulle het twee kinders voor sy in 1944 as lektor na die universiteit terugkeer. Sy beëindig haar akademiese loopbaan ter wille van die politiek toe sy in 1953 as 'n lid van die Verenigde Party (VP) tot die Unie-Volksraad verkies is. Sy verlaat in 1959 die VP en sluit by die liberale Progressiewe Party en verteenwoordig die Houghton-kiesafdeling as die party se enigste lid van die Volksraad van 1961 tot 1974. Sy is bekend vir haar sterk teenstand teen die Apartheidbeleid van die regerende Nasionale Party.
Later, soos blanke opposisie teen apartheid begin groei het, is die party herdoop tot die Progressiewe Federale Party, en het andere liberale kollegas soos Colin Eglin by haar in die parlement aangesluit. Sy het 36 jaar as parlementslid gedien.
Sy het die reg op vryheid van spraak van alle Suid-Afrikaners verdedig en haar vermoë om as lid van die parlement tronke te besoek gebruik om omstandighede vas te stel, insluitend op Robbeneiland waar verskeie ANC-lede aangehou is. Sy het Nelson Mandela verskeie kere in die tronk besoek en was aan sy sy toe hy die nuwe grondwet in 1996 onderteken. As stryder vir menseregte het sy sukses behaal in onder meer verbeterings wat op haar aandrang aan omstandighede in tronke aangebring is.
Sy het haar by die veldtog teen die herinstelling van die doodstraf geskaar en voorspraak gemaak vir vroue se reg om oor aborsie te besluit.
[wysig] Sien ook
- Progressiewe Party
- Progressiewe Reformiste Party
- Progressiewe Federale Party
- Demokratiese Party
- Demokratiese Alliansie
[wysig] Eksterne skakel
- [1] Telegraph artikel
- Die Helen Suzman-stigting se tuisblad
 |
Hierdie artikel omtrent ’n Suid-Afrikaanse politikus is slegs ’n saadjie en bied tans nog nie ensiklopediese dekking van die betrokke onderwerp nie. Jy kan Wikipedia help deur dit uit te brei. |
