Hendrik Hofmeyr

in Wikipedia, die vrye ensiklopedie
Spring na: navigasie, soek
Hendrik Hofmeyr
Geboortenaam Hendrik Pienaar Hofmeyr
Geboorte 20 November 1957
Kaapstad (Suid-Afrika)
Beroep(e) Komponis
Portal.svg Musiekportaal

Hendrik Hofmeyr (* 1957 in Kaapstad, Suid-Afrika) is 'n Suid-Afrikaanse komponis van kontemporêre klassieke musiek. Hy het gematrikuleer aan die destydse Hoërskool Nassau in Mowbray. Tydens sy tien jaar van studie in Italië het hy die Suid-Afrikaanse Operakompetisie met The Fall of the House of Usher gewen. Hy het ook die jaarlikse Nederburg-prys vir Opera verower vir sy werk wat op die opvoering van The Fall of the House of Usher in die Pretoriase Staatsteater in 1988 gevolg het. Hy het in daardie selfde jaar die eerste prys in 'n internasionale kompetisie in Italië verwerf vir sy musiek vir 'n kortrolprent deur Wim Wenders. Hy het in 1992 na Suid-Afrika teruggekeer en in 1997 twee internasionale komposisiekompetisies gewen: die Queen Elisabeth-musiekkompetisie van België (met Raptus vir viool en orkes) en die eerste weergawe van die Dimitris Mitropoulos-komposisie in Athene (met Byzantium vir hoë stem en orkes). Sy Incantesimo vir solofluit is gekies om Suid-Afrika by die ISCM-wêreldmusiekdae in Kroasië in 2005 te verteenwoordig. In 2008 is hy met 'n Kanna-toekenning by die Klein Karoo Nasionale Kunstefees bekroon. Hy is tans 'n medeprofessor in Musiek by die Universiteit van Kaapstad, waar hy 'n DMus-graad in 1999 behaal het.

Eksterne skakels[wysig]