Hendrik van Blerk

in Wikipedia, die vrye ensiklopedie
Spring na: navigasie, soek
Hendrik van Blerk
Bynaam Oom Hendrik
Geboortenaam Hendrik Stephanus Hertzog van Blerk
Gebore 27 November 1915
Johannesburg
Oorlede 25 Desember 2010
Nasionaliteit Suid-Afrika
Beroep Skrywer
Bekend vir Boeke
Huweliksmaat Nell
Kind(ers) Petra, Maryna, Willem en Hennie

Hendrik Stephanus Hertzog van Blerk, ook wel oom Hendrik genoem, (gebore 27 November 1915 in Johannesburg - gestorwe 25 Desember 2010) was 'n bekende Afrikaanse skrywer en digter. Sy eerste boek, Dit blom tussen bantams, is in 1948 uitgegee. Hy het honderde romans, jeugverhale, kortverhale, asook feitelike boeke oor die geskiedenis van die Afrikaner die lig laat sien. Hy het ook onder die skuilnaam Melt Froneman geskryf.[1]

Biografie[wysig]

Van Blerk begin sy skoolloopbaan in sy geboortestad Johannesburg, waarna hy nog 11 ander skole bywoon. Hy verlaat skool nadat hy st. 6 voltooi.

Hy was 'n diamantdelwer, houtryer, soldaat, fabriekswerker, padmaker en mynwerker van beroep gewees.

In Junie 1942 word hy as Stormjaer van die Ossewa Brandwag weens sabotasie ter dood veroordeel. Hy was 28 dae in die dodesel waarna sy straf na lewenslank versag is. Hy word ses jaar daarna vrygelaat nadat die Nasionale Party in 1948 aan bewind kom.

Van Blerk is einde 2010 op 95-jarige ouderdom oorlede en is op 31 Desember te Verwoerdburg-begraafplaas begrawe. Hy word deur sy vrou Nell, dogters Petra en Maryna en seuns Willem en Hennie en kleinkinders oorleef.

Bibliografie[wysig]

Enkele van Van Blerk se boeke:

  • Bewaker van die oerbos, 1988
  • Biegverse uit die dodesel
  • Boerespioen-reeks
    • Die Eerste Verkenner (deel 1: Verkenners van Danie Theron), 1969
    • Boerespioen (deel II : (Verkenners van Danie Theron), 1971
  • Boeta gaan op kommando, 1977
  • Braakland van die bose, 2008
  • Broer oor die Visier (verhaal uit die staking van 1922), 1963
  • Dé, wêreld, hier´s ´n kind vir jou, 1995
  • Die Blou Tartare - Die wonderperd (no 1)
  • Die Blou Tartare - Ou Meisiewagter (no 2)
  • Die Blou Tartare - die spooklig (no 3), 1968
  • Die Blou Tartare - die renperd (no 4)
  • Die Blou Tartare - Faan speel Kupido (no 5)
  • Die Blou Tartare - Faanman slaags met terroriste (no 6)
  • Die Edelvalk van Donkerkruin, 1986 (jeugverhaal)
  • Die kronieke van Asjas, die esel (jeugverhaal) verskyn in "Drielaag" van 1964 (Saam met Mikro, Dolf van Niekerk).
  • Die Mynramp, 1964
  • Die Stellalander 1972 (Anglo-Boereoorlog roman)
  • Die tier van Ruigberg (jeugverhaal), 1973
  • Die tollenaar van Tiekiedraai, +-1956
  • Die treinstelers
  • Die Tweebeenjagter en ander kinderstories, 1965
  • Die verklikker, 1963
  • Die wilde Ier, 1953
  • Dit blom tussen bantams, 1948
  • Drielaag - 1964 (Saam met Mikro, Dolf van Niekerk). Die titel van H S van Blerk se storie is: Die Kronieke van Asjas, Die esel
  • En daarom is die winddreun diep
  • En drie maal kraai die haan, 1968 (1989 uitgereik as Stormjaer)
  • Geboorteplaas, 1959
  • Kas Plesie se hartseerdae, 1966
  • Los donkies, 1950
  • Majuba -reeks (7 boeke)
    • Blydevooruitzicht
    • Bo-Op Majuba Brand ‘n Lig
    • Die Kolonialer
    • Tuin Van Herinnering
    • Kroniek Van Die Kampkinders
    • Rebel Sonder Roer
    • Wraak Van Die Renegate
  • My God My Volk My Land, Suid-Afrika, 1996
  • 'n Sot op ‘n plot
  • Nag oor Nineve, 1968
  • Oorlogsavonture van klein Ben
  • Plek van die dooie geeste, 1982
  • Reën van embarming
  • Roman en Robyn, 1964 (kinderstorie)
  • Sakman staan vas, 1982
  • So ver na Mooigelegen, 1971
  • Son van geregtigheid
  • Soos Gras is sy Dae, 1955
  • Stad van die dooie geeste
  • Stormjaer - 1989 (aanvanklik uitgegee in 1968 as "En drie maal kraai die haan")
  • Swart Oktober, 1980
  • Tuin van herinnering, 1982 (Anglo-Boereoorlog roman) - vervolg op Die Stellalander
  • Twee stuiwers vir 'n mossie
  • Vegter vir Vryheid, 1963[2]

Verwysings[wysig]

  1. Skrywer sterf op Kersdag, Die Volksblad, 28 Desember 2010.
  2. Springbokboeke, besoek op 5 Januarie 2010.