Hermafrodiet
.jpg)
In biologie is 'n hermafrodiet is 'n dier of plant wat tweeslagtig is en oor beide manlike en vroulike geslagsorgane beskik (of kan beskik).[1] Daar word onderskei tussen gelyktydige en afwisselende hermafrodiete. Gelyktydige hermafrodiete het op dieselfde tydstip beide geslagte, terwyl afwisselende hermafrodiete eenslagtig is, maar van geslag kan verander.
Inhoud |
Plante [wysig]
In die planteryk is hermafroditisme die reël eerder as 'n uitsondering: 94% van alle plantsoorte is hermafrodities en slegs 6% van 'n totaal van 250 000 plantsoorte het aparte vroulike en manlike individue. Blomme het byvoorbeeld meeldrade (manlik) sowel as 'n stamper (vroulik).
Diere [wysig]
In die diereryk geld presies die omgekeerde en aparte manlike en vroulike individue is die reël. Slegs 5% - 6% van die 1,2 miljoen diersoorte is hermafrodities. Dit kom neer op ongeveer 65 000 soorte [2]. Voorbeelde hiervan is slakke en die reënwurm.
Mense [wysig]
'n Persoon wat 'n hermafrodiet is sal beide eierstokke en testikels hê. Dit is egter 'n baie seldsame toestand by mense.[3] Die probleem ontstaan reeds voor geboorte deur 'n chromosomale afwyking of 'n hormonale afwyking.
Verwysings [wysig]
- ↑ Merriam-Webster Woordeboek
- ↑ Al hierdie getalle is afkomstig van: Joan Roughgarden (2009) The Genial gene, bladsy 106. ISBN 978-0-520-25826-6
- ↑ Wat is ’n hermafrodiet?, Beeld, 14 September 2009.
