High School Musical

in Wikipedia, die vrye ensiklopedie
Spring na: navigasie, soek
High School Musical
Regisseur Kenny Ortega
Produksieleier Don Schain
Geskryf deur Peter Barsocchini
Met Zac Efron
Vanessa Hudgens
Ashley Tisdale
Corbin Bleu
Lucas Grabeel
Monique Coleman
Musiek deur Greg Cham
Ray Cham
Andy Dodd
Faye Greenberg
Jamie Houston
David Lawrence
Adam Watts
Matthew Gerrard
Drew Lane
Eddie Galan
Drew Seeley
Kinematografie Gordon Lonsdale
Redigeerder Seth Flaum
Verspreider Disney Channel, Family
Vrystelling 20 Januarie 2006
Speeltyd 97 minute
Land Verenigde State van Amerika
Taal Engels
Begroting $4 200 000[1]
Opgevolg deur High School Musical 2

High School Musical is 'n Emmy-bekroonde Amerikaanse televisierolprent en die eerste aflewering in die High School Musical-rolprentreeks. Met sy vrystelling op 20 Januarie 2006 het dit die suksesvolste rolprent wat Disney Channel Original Movie (DCOM) ooit vervaardig het, geword.[2][3] High School Musical 2 was die televisieopvolg in 2007 en High School Musical 3: Senior Year was 'n speelfilm wat in Oktober 2008 in teaters begin draai het. High School Musical is die eerste DCOM-rolprent wat 'n silwerdoekopvolg gehad het. High School Musical 4: East Meets West is die vierde aflewering in die reeks en sal in 2010 op die Disney Channel debuteer.[4] Die rolprent se klankbaan was die topverkoperalbum in die Verenigde State in 2006.[5]

High School Musical het 7,7 miljoen kykers met sy première-uitsending in die VSA in 2006 gehad, wat dit die mees gekykde rolprent van die Disney Channel vir daardie jaar gemaak het.[6] In die Verenigde Koninkryk het die prent 789 000 kykers vir die première gelok (en 1,2 miljoen in totaal vir die openingsweek) wat dit die tweede mees gekykde program vir die Disney Channel (UK) vir 2006 gemaak het. Op 29 Desember 2006 het dit die eerste Disney Channel Original Movie geword om deur die BBC uitgesaai te word. High School Musical is wêreldwyd deur 225 miljoen mense gekyk.[7]

High School Musical, se storielyn wat deur die outeur en talle kritici as 'n moderne aanpassing van Romeo & Juliet beskryf word,[8] handel oor twee hoërskooljuniors van mededingende klieks: Troy Bolton (Zac Efron), kaptein van die basketbalspan, en Gabriella Montez (Vanessa Hudgens), 'n pragtige en skaam oorplaasstudent wat uitstekend in wiskunde en natuurwetenskap vaar.[9] Saam probeer hulle die hoofrolle in die skool se musiekblyspel loslaan en sodoende word die skool verdeel. Ten spyte van ander studente se pogings om hul drome van waarwording te keer, weerstaan Troy en Gabriella groepsdruk en mededinging en inspireer hulle ander om nie "by die status quo te hou" nie.

High School Musical is by East High School in Salt Lake City, Utah (VSA), die ouditorium van Murray High School, ook in Utah, en Downtown Salt Lake City verfilm. Murray High School was ook die stel van talle ander Disney-produksies: Take Down (1978), Read It and Weep (2006), Minutemen (2008)[10] en High School Musical: Get in the Picture (2008).[11]

Verwysings[wysig]

Eksterne skakels[wysig]