Hilton

in Wikipedia, die vrye ensiklopedie
Spring na: navigasie, soek
Hilton
Ligging van Hilton op 'n kaart (KwaZulu-Natal)
Hilton
Hilton
Koördinate: 29°33′0″S 30°18′0″O
Land Vlag van Suid-Afrika Suid-Afrika
Provinsie KwaZulu-Natal
Distriksmunisipaliteit uMgungundlovu
Plaaslike Munisipaliteit uMngeni
Stigting 1857
Hoogte 1 080 m (3 543 vt)
Tydsone SAST (UTC+2)
Poskode 3245

Hilton is 'n klein dorpie wat op die rand van die platorand bo Pietermaritzburg in KwaZoeloe-Natal, Suid-Afrika geleë is.

Geskiedenis[wysig]

In 1857 het Joseph Henderson 'n groot deel van die plaas Ongegund gekoop. Die omgewing het sy vrou Jane herinner aan die landgoedpark Hilton Park wat sy as kind in Staffordshire, Engeland besoek het wat daartoe gelei het dat sy hulle huis Hilton gedoop. Die dorpie wat daar ontstaan het is Hilton Road genoem om verwarring met die woning te vermy. 'n Eeu later eers is die poskantoor amptelik na Hilton vernoem, die keer om verwarring met straatname in Pietermaritzburg te vermy.[1]

Die ander helfte van die Ongegundplaas is deur Gould Arthur Lucas uit Dublin gekoop. Lucas was een van die min wat die sinking van die HMS Birkenhead land die kus van die Wes-Kaap se Danger Point in 1852 oorleef het. Lucas het in twee verdeel en sy plaas by Hilton Road aan sy vriend, die onderwyser dominee Newnham vir agt jaar te huur aangebied. In 1872 het Newnham Hilton College, een van Suid-Afrika se voorste privaatskole, hier gestig. Toe Henry Vaughan Ellis, 'n voormlaige skolier van Rugby School in Engeland daar skoolhoof geword het, het hy rugby na Hilton College gebring en het dit die eerste skool in Natal geword wat die spel gespeel het. Die jaarlikse rugbywedstryd tussen Hilton College en Michaelhouse is tot vandag toe 'n belangrike gebeurtenis in die provinsie.[1]

Sien ook[wysig]

Verwysings[wysig]

  1. 1,0 1,1 The Property Magazine, Hilton, besoek op 16 November 2007