Hinamatsuri

in Wikipedia, die vrye ensiklopedie
Spring na: navigasie, soek
Hinamatsuri-poppe
Uitstalling van poppe

Hinamatsuri (雛祭り) word jaarliks op 3 Maart in Japan gevier.[1][2] Die dag staan ook as die Japannese poppefees of meisiesdag bekend. Die geluk en gesondheid van jong meisies word op die dag gedenk.[3] Dit is een van twee tradisionele dae wat sedert die 8ste eeu aan kinders gewei word, die ander is seunsdag op 5 Mei.[4]

Poppe word op die dag op platforms met rooi tapyte uitgestal. Die poppe verteenwoordig die keiser, keiserin, hofdames en musikante in tradisionele hofrokke van die Heian-tydperk (794 tot 1185). Hierdie platforms het vyf of sewe trappe. Dit word gewoonlik as volg opgestel:

Boonste vlak (voor 'n goue kamerskerm):

  • Keiser met sy rituele staf.
  • Keiserin met 'n waaier.

Tweede vlak:

  • Drie hofdames met sake ('n drankie).

Derde vlak:

  • Vyf manlike musikante.

Vierde vlak:

  • Twee imperiale ministers.

Vyfde vlak:

  • Drie helpers of samoerai wat die keiser en keiserin beskerm.

Laer vlakke:

  • Ander items, soos meubels, gereedskap, koetse, bome, ens.

Families begin gewoonlik om die poppe in Februarie uit te stal en verwyder dit onmiddelik na die fees. Volgens bygeloof sal mense wat die poppe tot na 4 Maart los se dogter eers laat in hul lewens trou.[5]

Verwysings[wysig]

  1. Sosnoski, Daniel. (1996). Introduction to Japanese culture, p. 10.
  2. Nussbaum, Louis-Frédéric. (2005). "Hina Matsuri" in Japan Encyclopedia, p. 313.
  3. Hinamatsuri op About.com; besoek op 2013-03-03.
  4. Japanese American National Museum, "Koinobori: Celebrating the Spirit of Boys Day"; besoek op 2013-03-06.
  5. Sasaki, Mizue (1999). 日本事情入門 View of Today's Japan. Alc, 36. ISBN 4-87234-434-0. 

Eksterne skakels[wysig]