Hindenburg
,_Gesellschaftsraum.jpg)
,_Speisesaal.jpg)
Die Hindenburg was 'n Duitse lugskip wat op 6 Mei 1937 in vlamme uitgebars het by Lakehurst in New Jersey. Dié ramp het 'n einde aan die lugskipera gebring.
Voorkoms[wysig | wysig bron]
Die Hindenburg was sigaarvormig en 245 m lank. Dit het sestien kompartemente gehad wat met waterstof gevul was en is deur vier Daimler-Benz 16-silinder dieselenjins aangedryf. Die lugskip se maksimumspoed was 135 km/h.
Die passasiersdek het bestaan uit twee dekke met kajuite vir 72 passasiers. Daar was 'n promenade-area met groot vensters wat kon oopmaak tydens die vlug, 'n restaurant, 'n lees-en-skryfkamer en 'n spesiale rookkamer. Die rookkamer het 'n hoër lugdruk gehad sodat waterstof nie na binne kon lek nie. Die stuurkajuit was voor, onder aan die lugskip.
Die Hindenburg was veronderstel om met nie-ontvlambare helium te sweef, maar Amerika wou nie dié stof aan Duitsland verkoop nie, uit vrees dat Nazi-Duitsland die tuie teen Amerika sal gebruik. Dus moes die Duitsers vlambare waterstof inspan.
Die lugskip het die registrasienommer D-LZ129 gehad. Dit staan vir Luftschiff Zeppelin no. 129.
Laaste vlug[wysig | wysig bron]
Voor die ongeluk het die Hindenburg reeds sewentien retoervlugte oor die Atlantiese Oseaan gemaak; tien na Amerika en sewe na Brasilië. Tydens die ongeluk was daar 36 passasiers en 61 bemanningslede aanboord.
Sy laaste vlug het op 3 Mei 1937 in Frankfurt begin en volg 'n roete oor Keulen, Nederland, oor die Engelse Kanaal en langs die suidelike kus van Brittanje. Hiervandaan volg dit 'n roete suid van die kus van Groenland, oor Newfoundland, na New York en dan na Lake Hurst. Die verwagte aankomstyd was om 06:00 maar die lugskip word vertraag deur 'n sterk wind en die aankoms was eers na 18:00.
Om 18:22 word die bevelvoeder kapt. Max Pruss ingelig dat 'n donderstorm opgeklaar het en hy nader Lake Hurst uit die suidweste. Om 19:00 kry hy toestemming om te land. Hy vlieg oor die lughawe om hom te vergewis van toestande op die grond en nader die landingstoring uit die weste – teen die wind soos vereis was. Tydens die proses word gas vrygelaat om hoogte te verminder en die enjins word in trurat gesit om spoed te verminder.
Die wind draai skielik suidwes en kapt. Pruss word verplig om 'n s-daai skerp na regs uit te voer sodat hy sy neus in die wind kon hou. Om 19:25 sien ooggetuies hoe materiaal naby die agterste vin flap asof daar gas uitlek. Die vlamme is gou sigbaar en binne 40 sekondes brand die hele skip uit en ses-en-dertig mense sterf.
Die radioman, Herb Morrison, het die ramp regstreeks oor die radio beskryf.
Vertroue in dié vorm van vervoer het na die ramp ineengestort. Die verfrommelde aluminiumraam is terug na Duitsland verskeep waar dit gesmelt is om vliegtuie te bou.
Bron[wysig | wysig bron]
- Rapport. Hindenburg 75 jaar. 6 Mei 2012
