Hoërskool De Villiers Graaff
Die Hoërskool De Villiers Graaff is 'n dubbelmediumhoërskool op die Bolandse dorp Villiersdorp en is vernoem na sir David Pieter de Villiers Graaff, nyweraar, kabinetsminister en vader van die latere leier van die Verenigde Party, sir De Villiers Graaff.
Die skool is in 1872 opgerig, maar in 1901 bewillig sir David die geld (R50 000) en grond vir die bou van 'n nuwe skool wat in 1907 sy huidige naam gekry het. Dit is ontwerp deur Forsyth en Parker en opgerig deur mnr. AB Reid & Kie. Die plaaslike laerskool is ook na die weldoener vernoem.
[wysig] Huidige stand
Die skool het in 2010 201 leerders van gr. 8 tot 12 gehad, waarvan 112 meisies en 89 seuns was. Die skoolhoof was mnr. M.C. Botha en die jaarlikse skoolfonds R5 940,00. Die skoolhoof word bygestaan deur sowat 12 onderwysers vir 'n gunstige onderwyser-leerder-verhouding van minder as 1:15. Teen 2012 het die leerders afgeneem tot 193, waarvan 102 meisies en 91 seuns was. Mev. Marietjie Freislich is die nuwe skoolhoof en die res van die personeel bestaan steeds uit twaalf onderwysers.
