Hoërskool Jan van Riebeeck

in Wikipedia, die vrye ensiklopedie
Spring na: navigasie, soek
Hoërskool Jan van Riebeeck
Jvr wapen.jpg
Leuse Wees Uself
Tipe Staatskool
Hoof A. Franken
Leerlinge 496
Grade 8-12
Adres Kloofstraat 129, Tuine
Stad Kaapstad
Provinsie Wes-Kaap
Land Suid-Afrika
Kleure          
Koshuis(e) Huis Jordaan (Meisies)
Huis A.J. van der Merwe (Seuns)
Webblad www.janvanriebeeck.co.za
Die Hoërskool Jan van Riebeeck in omstreeks 1951.
Die skoolterrein is op die hoek van Kamp- en Kloofstraat in Tuine, Kaapstad, geleë.

Die Hoërskool Jan van Riebeeck is 'n bekende Afrikaansmediumskool wat in Tuine, 'n voorstad van Kaapstad, geleë is. Die skool beskryf homself as die mees bekende Afrikaanse hoërskool in Suid-Afrika[1]. Die skool is in 1926 gestig met J.J. Jordaan as die eerste hoof en twee deeltydse assistente wat 46 leerders moes onderrig. Reeds teen 1932 was daar 318 seuns en dogters in die skool, wat dit die grootste gemengde skool in die destydse Kaapprovinsie gemaak het. Jordaan was 'n sterk voorstander van Afrikaans as onderrigmedium en Jan van Riebeeck was een van die eerste en bekendste skole wat die taal as onderrigmedium ingevoer het. Hy is in 1936 in die tuig oorlede. Die woorde “Handhawers van ons moedertaal” vorm die klimaks van die oorspronklike skoollied[2] (tans nie meer in gebruik nie) met woorde deur die bekende digter I.D. du Plessis en musiek deur William Pickerill, destyds dirigent van die Kaapse Stadsorkes [3].

Leerdertal[wysig]

In die jare 90 het die leerdertal op ongeveer 500 gestabiliseer, maar in 2006 weer tot meer as 580 aangegroei en in 2010 tot 603[4] danksy busvervoer na veral die suidelike en noordwestelike voorstede, soos Bloubergstrand, Table View en Melkbosstrand. In 2011 het dit weer gedaal tot 570 en in 2013 tot 494. Die verengelsing van die Hoërskole Groote Schuur, Zwaanswyk en Voortrekker het ook in 'n mate tot Jan van Riebeeck se groei bygedra omdat baie leerders wat tradisioneel dié skole sou bywoon, nou na Jan van Riebeeck kom danksy 'n busdiens wat elke dag leerders voor elk van die hoërskole se voederskole op- en aflaai. Van Laerskool Simon van der Stel kom byvoorbeeld daagliks sowat 60 leerders.

Van die 603 leerders was 142 egter in gr. 12 en net 112 in gr.8, wat kon beteken dat die leerdertal op sowat 560 sou stabiliseer namate die Afrikaanse leerders in die suidelike voorstede verder afneem. Kenmerkend van die skool se leerderkorps, is dat slegs 'n geringe persentasie van die leerders uit die skool se voedingsgebied kom en die oorgrote meerderheid in die koshuise tuisgaan of per bus na en van die skool vervoer word.

Jan van Riebeeck begin die 2012-skooljaar met net 86 gr. 8-leerders, 38 minder as die gr. 9's (gr. 9: 124, gr. 10: 106, gr. 11: 99, gr. 12: 124). Dié klein klas bring die totale getal leerders af na net 539. As die tendens van so 'n klein gr. 8-groep voortduur, sal die skool teen 2016 net 425 leerders hê. Dit is moontlik te wyte aan die opening van die nuwe, tweetalige Hoërskool Melkbos in Melkbosstrand aan die begin van 2012 met 49 gr. 8's en 28 gr. 9's.

Oudleerders[wysig]

Van die bekende Suid-Afrikaners wat aan die skool gematrikuleer het en erepennings vir hulle prestasies ontvang het (matriekjaar tussen hakies), is min. Derek Hanekom (1970), Johan Stemmet (1969), Charl Pauw (1959), regter George F Wright (1960, Annari (Anna) van der Merwe (1966), prof. D.P. (David) de Villiers (1962), die kunsskilder en skrywer Johannes Meintjes, prof. Nina Schumann (1988), adv. Klaus von Lieres und Wilkau (1956), Melanie Horne (1972), Beyers Truter (1972), Hester Heese (1928), Freda Linde (1934), regter G.v.R. (Buddy) Muller (1935), Gawie Fagan (1942), Daan Retief (1943), adm. Hugo Biermann (1932)[5], adj. regterpresident Henry Fagan (1944), Cobus Rossouw (1950), sy edele Marais Viljoen DVD (1933), Laurika Rauch (1968). Die skool het tot 2012 vyf Springbok-rugbyspelers opgelewer[6].

Eksterne skakels[wysig]

Verwysings[wysig]