Hoërskool Sand du Plessis

Hoërskool Sand du Plessis
Leuse	Ek glo
Gestig	1966
Grade	8–12
Stad	Bloemfontein
Provinsie	Vrystaat
Land	Suid-Afrika
Kleure	Magenta, pêrelwit, uno-geel
Webblad	www.sannies.co.za

Hoërskool Sand du Plessis is 'n Afrikaanse sekondêre skool in Hospitaalpark in Bloemfontein, Suid-Afrika. Die skool is genoem na 'n voormalige administrateur van die Oranje-Vrystaat, mnr. J.W.J.C. (Sand) du Plessis. Hulle bynaam is Sannies en die skool se leuse is: "Ek glo".

Geskiedenis

Op 25 Januarie 1966 is die sekondêre afdeling van die tot-dan-toe gekombineerde Hoër- en Laerskool Sand du Plessis met 60 leerders geopen. Die skeiding van die hoër- en laerskool het amptelik op 19 Januarie 1967 in werking getree.

In November 1970 het die eerste 28 leerders van die skool hulle matriekeksamen afgelê. Die huidige skoolgebou is op 24 Julie 1973 betrek.

Alumni

Noemenswaardige alumni:

• Morné Steyn, springbokrugbyspeler (hoofseun in 2002)
• Franco Smith, springbokrugbyspeler

Eksterne skakels

• Die skool se tuisblad