Hubble-ultradiepveld

in Wikipedia, die vrye ensiklopedie

Koördinate: Sky map 3h 32m 39.0s, −27° 47′ 29.1″

Die foto van die Hubble-ultradiepveld sluit van die mees verafgeleë sterrestelsels in wat kort ná die Oerknal ontstaan het (nie volle foto nie).[1]

Die Hubble-ultradiepveld (Engels: Hubble Ultra-Deep Field, HUDF) is ’n foto van ’n baie klein deel van die ruimte in die sterrebeeld Oond wat saamgestel is uit data van die Hubble-ruimteteleskoop. Dit is geneem van 24 September 2003 tot en met 6 Januarie 2004.

Beskrywing[wysig | wysig bron]

Op die foto is sterrestelsels van tot 13 miljard jaar gelede (sowat 800 miljoen jaar ná die Oerknal) en dit word gebruik om sterrestelsels uit dié tyd te ondersoek. Die HUDF-foto is geneem in ’n deel van die heelal met min helder sterre op die voorgrond sodat die dowwer, meer verafgeleë voorwerpe beter gesien kan word. Die beeld bevat na raming sowat 10 000 sterrestelsels. In Augustus en September 2009 is Hubble se diepveld uitgebrei met die infrarooikanaal van die onlangs aangehegte Wide Field Camera 3 (WFC3). Deur dit te kombineer met bestaande HUDF-data, kon sterrekundiges ’n nuwe lys potensieel verafgeleë sterrestelsels eien.[2][3]

Die foto is van ’n deel van 3,4 boogminute van die ruimte, diagonaal gemeet.[4] Dit stem ooreen met sowat ’n tiende van die deursnee van ’n volmaan,[5] kleiner as ’n stuk papier van 1 mm x 1 mm wat 1 meter van die oë gehou word, of ’n 13 miljoenste van die totale oppervlakte van die ruimte.

Op 25 September 2012 het Nasa ’n beter weergawe van die foto uitgereik wat die Hubble Ekstreme Diepveld (XDF) genoem word. Die XDF wys sterrestelsels van tot 13,2 miljard jaar gelede, minder as 600 miljoen jaar ná die Oerknal.[6]

Sien ook[wysig | wysig bron]

Verwysings[wysig | wysig bron]

  1. Harrington, J.D.; Jenkins, Ann; Villard, Ray (3 Junie 2014). "NASA RELEASE 14-151 - Hubble Team Unveils Most Colorful View of Universe Captured by Space Telescope". Nasa (in Engels). Geargiveer vanaf die oorspronklike op 8 Maart 2020. Besoek op 4 Junie 2014.
  2. http://hubblesite.org/newscenter/archive/releases/2009/31
  3. R.J. Bouwens, G.D.Illingworth, P.A. Oesch, M. Stiavelli, P. van Dokkum, M. Trenti, D. Magee, I. Labbe, M. Franx, M. Carollo and V. Gonzalez. "Discovery of z~8 Galaxies in the HUDF from ultra-deep WFC3/IR Observations". Astrophysical Journal. arXiv:0909.1803. Bibcode:2010ApJ...709L.133B. doi:10.1088/2041-8205/709/2/L133.{{cite journal}}: AS1-onderhoud: meer as een naam (link)
  4. http://hubblesite.org/newscenter/archive/releases/2009/31/fastfacts/
  5. "argiefkopie". Geargiveer vanaf die oorspronklike op 9 Mei 2017. Besoek op 20 Januarie 2015.
  6. "Hubble Goes to the eXtreme to Assemble Farthest-Ever View of the Universe" (in Engels). Nasa. 25 September 2012. Geargiveer vanaf die oorspronklike op 22 Januarie 2020. Besoek op 26 September 2012.