Hubert Kornelisz. Poot

in Wikipedia, die vrye ensiklopedie
Spring na: navigasie, soek
Portret van H.K. Poot

Hubert Kornelisz. Poot (Abtswoude, 29 Januarie 1689 - Delft, 31 Desember 1733) was 'n Nederlandse digter.

Aanvanklik was Poot 'n boer. Hy behaal in 1716 sukses met sy gepubliseerde digbundel, Mengeldichten (herdruk in 1718), waarna hy hom in Delft vestig en op die literatuur toespits. Dit draai egter op 'n teleurstelling uit, en 'n jaar later keer hy na sy tuisdorp terug.

Na sy huwelik in 1732 verhuis hy weer na Delft, waar hy na 'n jaar aan 'n niersiekte oorlede is.

Poot se gedigte was nie besonders oorspronklik nie. Hy skryf baie geleentheidsgedigte, waarmee hy sukses behaal, maar wat later vergete geraak het. Tydens sy lewe is hy baie deur allerhande hoogwaardigheidsbekleërs en studente besoek, want hulle wou almal met die boer wat kon dig kennis maak.

Tans is van sy meer eroties gekleurde minnedigte nog in omloop, afkomstig uit sy 'Mengeldichten' (Mars en Venus' beddepraet, De verliefde Venus en De maen by Endymion). Hierdie gedigte word in 1964 apart as Minnezangen uitgegee.

Sy natuurgedigte (Akkerleven, Nacht) is van sy beste werke.

De Schoolmeester (die Nederlandse digter Gerrit van de Linde) skryf vir hom 'n kort en puntig grafskrif:

Hier ligt Poot,
Hij is dood.

Oeuvre[wysig]

Sy oeuvre:

  • "Gedichten, Deel 1" (1716)
  • "Mengeldichten" (1716-1722)
  • "Gedichten. Deel 2" (1728)
  • "Gedichten. Deel 3" (1735)
  • "Het groot natuur- en zedekundigh werelttoneel" (1743-1750)

Eksterne skakels[wysig]