Huis van Lancaster

in Wikipedia, die vrye ensiklopedie
Huis van Lancaster
Die rooi roos, embleem van die Huis van Lancaster.
Die rooi roos, embleem van die Huis van Lancaster.
Hoofhuis Huis van Plantagenêt
Voorganger Huis van Plantagenêt
(hooftak)
Opvolger Huis van York
Stigter Jan van Gent
Bewind 1362–1461
1470–1471
Eerste heerser Hendrik IV
Laaste heerser Hendrik VI

Die Huis van Lancaster was ’n tak van die Engelse koningshuis van Plantagenêt. Dit was een van die strydende faksies in die 15de-eeuse Rose-oorlog, ’n burgeroorlog om die troon. Drie Engelse konings was van dié huis: Hendrik IV (1399–1413), Hendrik V (1413–1422) en Hendrik VI (1422–1461 en 1470–1471).

Die Huis van Lancaster stam af van Eduard III se derde oorlewende seun, Jan van Gent. Hy het getrou met die erfgenaam van verskeie landgoede, Blanche van Lancaster, en so het Gent die grootste grondeienaar in Engeland geword naas die koning. Richard II het egter ná Gent se dood in 1399 op sy grond beslag gelê. Gent se verbanne seun en erfgenaam, Hendrik (van) Bolingbroke, het later dieselfde jaar na Engeland teruggekeer om sy erfporsie op te eis. Hy het egter eindelik die bewind van die ongewilde Richard omvergewerp en is gekroon as Hendrik IV. So het hy die afstammelinge van Eduard III se tweede seun, Lionel van Antwerpen, omseil wat toe die opponerende Huis van York geword het.

Hendrik IV is in 1413 deur sy seun, Hendrik V, en in 1422 deur sy kleinseun, Hendrik VI, opgevolg.

Hendrik VI was ’n swak koning en het met tye tekens van ’n geestesiekte getoon. Hy is in 1461 deur sy neef Eduard van York gevange geneem en dié het homself verklaar tot Eduard IV, die eerste koning van die Huis van York.

Hendrik het teruggeveg en in 1470 weer aan die bewind gekom, maar sowat ses maande later is hy weer deur Eduard IV van die troon gedwing.

Monarge van die Huis van Lancaster[wysig | wysig bron]

Naam Portret Gebore Huwelik Oorlede
Hendrik IV Bolingbroke
30 September
1399–1413[1]
Henry IV 3 April 1366
Bolingbroke-kasteel
seun van Jan van Gent en Blanche van Lancaster[1]
(1) Maria van Bohun
Arundel-kasteel
27 Julie 1380
sewe kinders

(2) Johanna van Navarre
Winchester-kasteel
7 Februarie 1403
geen kinders[1]

20 Maart 1413
Westminster-abdy
op 46[2]
Hendrik V
20 Maart
1413–1422[1]
Henry V 16 September 1386 of
[3]
Monmouth-kasteel
seun van Hendrik IV en Maria van Bohun[1]
Katharina van Valois
Troyes-katedraal
2 Junie 1420
een seun[1]
31 Augustus 1422
Château de Vincennes
op 35[1]
Hendrik VI
(eerste bewind)
31 Augustus 1422 – 4 Maart 1461[4]

(tweede bewind)
30 Oktober 1470 – 11 April 1471[4]
Henry VI 6 Desember 1421
Windsor-kasteel
seun van Hendrik V en Katharina van Valois[4]
Margaret van Anjou
Titchfield-abdy
22 April 1445
1 seun[4]
21 Mei 1471
Londense Tower
op 49 (vermoor)[4]

Verwysings[wysig | wysig bron]

Hierdie artikel is merendeels vertaal vanaf die Engelse Wikipedia-artikel en:House of Lancaster
  1. 1,0 1,1 1,2 1,3 1,4 1,5 1,6 "thePeerage.com – Person Page 10187". Besoek op 25 Oktober 2007.
  2. "HENRY IV – Archontology.org" (in Engels). Geargiveer vanaf die oorspronklike op 24 Junie 2009. Besoek op 25 Oktober 2007.
  3. Biography of HENRY V – Archontology.org. URL besoek op 28-11-2009
  4. 4,0 4,1 4,2 4,3 4,4 Eduard IV het die bewind toe die eerste keer oorgeneem."thePeerage.com – Person Page 10186". Besoek op 25 Oktober 2007.

Eksterne skakels[wysig | wysig bron]