Huis van Nassau-Weilburg

in Wikipedia, die vrye ensiklopedie
Spring na: navigasie, soek
Huis van Nassau-Weilburg
Vlag van die Groothertog van Luxemburg.
Vlag van die Groothertog van Luxemburg.
Lande Nassau en Luxemburg
Stam af van Huis van Nassau, Huis van Bourbon-Parma
Hoof Henri van Luxemburg
Stigter Johan I van Nassau-Weilburg
Gestig 1344
Titels Graaf van Nassau-Weilburg, Vorstelike Graaf van Nassau-Weilburg, Hertog van Nassau, Groothertog van Luxemburg

Die Huis van Nassau-Weilburg het regeer oor ’n deel van Nassau, wat van 1344 tot 1816 ’n staat in die huidige Duitsland was. Die heersers van die huis het daarna oor die Hertogdom van Nassau regeer tot in 1866, en sedert 1890 regeer hulle oor die staat Luxemburg. Die manlike lyn van die Huis van Nassau-Weilburg het uitgesterf met die dood van groothertogin Charlotte in 1985. Die naam het egter behoue gebly vir die regerende dinastie, hoewel die heersers van vaderskant afstam van die Huis van Bourbon-Parma.

Luxemburg[wysig]

Die Groothertog van Luxemburg is die staatshoof van die staat Luxemburg, die enigste oorblywende soewereine groothertogdom ter wêreld. Die land het dié status in 1815 gekry ná sy vereniging met Nederland onder die Huis van Oranje-Nassau.

Die gebiede van die Nassau-familie in die Heilige Romeinse Ryk was gedeeltelik onderworpe aan die Saliese wet, wat die troonbestyging van vroue of deur vroulike lyne net toegelaat het as daar geen manlike erfgename was nie. Toe Willem III van Nederland sterf met net ’n dogter, Wilhelmina, as erfgenaam, het die troon van Nederland, wat nie aan dié wet onderworpe was nie, na Wilhelmina gegaan. Die troon van Luxemburg het egter gegaan na ’n manlike lid van ’n ander tak van die Huis van Nassau: Adolf, hoof van die Nassau-Weilburg-tak.

In 1907 het Adolf se enigste seun, Guillaume IV, Groothertog van Luxemburg, ’n wet laat deurvoer wat die reg van sy oudste dogter, Marie-Adélaïde, bevestig om hom op te volg aangesien daar geen manlike erfgenaam van die Huis van Nassau was nie. Sy het die land se eerste vroulike heerser geword ná haar pa se dood in 1912. Toe sy in 1919 abdikeer, is sy opgevolg deur haar jonger suster Charlotte. Charlotte het met ’n lid van die Huis van Bourbon-Parma getrou en dus is haar opvolgers, wat sedert haar abdikasie in 1964 oor Luxemburg regeer, ook van vaderskant lede van die Huis van Bourbon.

Heersers van die Huis van Nassau-Weilburg[wysig]

Nassau[wysig]

Grawe van Nassau-Weilburg[wysig]

Wapen van die Grawe van Nassau-Weilburg.
Wapen van die Groothertog van Luxemburg.
1344 – 1371 Johan I
1371 – 1429 Philip I
1429 – 1442 Philip II en Johan II
1442 – 1492 Philip II
1492 – 1523 Lodewyk I
1523 – 1559 Philip III
1559 – 1593 Albrecht
1559 – 1602 Philip IV
1593 – 1625 Lodewyk II
1625 – 1629 Willem Lodewyk, Johan IV en Ernst Casimir
1629 – 1655 Ernst Casimir
1655 – 1675 Frederik
1675 – 1688 Johan Ernst

Vorstelike grawe van Nassau-Weilburg[wysig]

1688 – 1719 Johan Ernst
1719 – 1753 Karel August
1753 – 1788 Karel Christian
1788 – 1816 Frederik Willem
1816 Wilhelm

Hertoë van Nassau[wysig]

1816 – 1839 Wilhelm
1839 – 1866 Adolf

Luxemburg[wysig]

Groothertoë van Luxemburg[wysig]

1890 – 1905 Adolf
1905 – 1912 Willem IV
1912 – 1919 Marie-Adélaïde
1919 – 1964 Charlotte
1964 – 2000 Jean
2000 – hede Henri

Verwysings[wysig]

Hierdie artikel is merendeels vertaal vanaf die Engelse Wikipedia-artikels [1] en [2].
Regerende dinastieë in Europa
België (België) • Bernadotte (Swede) • Bourbon (Spanje) • Grimaldi (Monaco) • Liechtenstein (Liechtenstein) • Nassau-Weilburg (Luxemburg) • Oranje-Nassau (Nederland) • Sleeswyk-Holstein-Sonderburg-Glücksburg (Denemarke/Noorweë) • Windsor (Verenigde Koninkryk)
Tydens die 20ste eeu onttroon: Bragança-Wettin (Portugal) • Habsburg (Oostenryk-Hongarye) • Hohenzollern (Duitsland) • Hohenzollern-Sigmaringen (Roemenië) • Karađorđević (Joego-Slawië) • Osman (Turkye) • Romanof (Rusland) • Sakse-Koburg en Gotha (Bulgarye) • Savoje (Italië/Albanië/Kroasië) • Sleeswyk-Holstein-Sonderburg-Glücksburg (Griekeland/Ysland) • Wittelsbach (Duitsland/Denemarke/Noorweë/Swede/Griekeland) • Zogoe (Albanië)