Humansdorp
| Humansdorp | |
  Humansdorp
|
|
 Humansdorp
|
|
| Koördinate: Koördinate: | |
| Land |  Suid-Afrika |
|---|---|
| Provinsie | Oos-Kaap |
| Distriksmunisipaliteit | Cacadu |
| Plaaslike Munisipaliteit | Kouga |
| Stigting | 1849 |
| Oppervlak | |
| - Stad | 35,94 km² (13,9 vk m) |
| Hoogte | 120 m (380 vt) |
| Bevolking (2001) | |
| - Stad | 15 338 |
| - Digtheid | 430/km² (1 113,7/myl2) |
| Tydsone | SAST (UTC+2) |
Humansdorp is 'n landelike dorp in die westelike gedeelte van die Oos-Kaap in Suid-Afrika. Humansdorp lê op ongeveer 4 kilometer afstand van die belangrike N2 nasionale pad tussen George en Port Elizabeth. Die dorp vorm deel van die Kouga Munisipaliteit wat Jeffreysbaai, Patensie, Hankey, St. Francisbaai en Oesterbaai insluit.
Inhoud |
Geskiedenis [wysig]
Die dorp se ontstaan kan terugvoer word na die stiging van die NG Gemeente Humansdorp in 1849 van die NG Gemeente Uitenhage. M.G. Human het in latere jare 'n stuk grond aan die Kerkraad van die NG Gemeente Humansdorp geskenk waarop dorpserwe uitgelê is in 1853. Aanvanklik was die kerkgebou van die nuwe gemeente opgerig te Kerkplaas in die distrik. Met die ontwikkeling van die dorpserwe het die kerkgebou geskuif na die nuwe dorp wat knus ontwikkel het naby die Kromrivier.
Ligging [wysig]
Humansdorp is baie strategies geleë en lê op 15 kilometer afstand van die bekende branderplankmekka Jeffreysbaai. Port Elizabeth is ongeveer 90 kilometer se ry, die Groot Stormsrivierbrug ongeveer 70 kilometer, Kareedouw ongeveer 60 kilometer en Patensie 45 kilometer. Die kusdorpe van St. Francisbaai, Kaap St. Francis en Oesterbaai lê onderskeidelik 15 kilometer, 20 kilometer en 26 kilometer van Humansdorp af.
Landboubedrywighede [wysig]
Vandag is Humansdorp deel van die hartklop van die Kouga streek. Daar kan tereg verwys word na die streek as die "melkspens" van Suid-Afrika. Die Woodlands-melkery se aanleg is geleë in die nywerheidsgebied, Panorama. Humansdorp is ook die sentrale punt van landboubedrywighede vir die naby distrikte van die Gamtoosvallei, Langkloof en Tsitsikamma. Die Humansdorp Ko-operasie is ook geleë op die dorp met 'n geskiedenis van diens aan die landbougemeenskap
Skole [wysig]
Die dorp beskik oor 'n aantal Laer- en Hoërskole ondermeer die Laerskool Stulting, Graslaagte, Kruisfontein en Mzingizi. Die Hoërskole van Humansdorp is Nico Malan, Humansdorp Sekondêr en Lungiso. Die eerste vennootskapshospitaal in die Oos-Kaap was ook in 2005 op Humansdorp gevestig. Die vennootskap tussen die Departement van Gesondheid (Oos-Kaap) en die Life-Hospitaal groep het gelei tot die Kouga Vennootskapshospitaal wat uit twee afdelings bestaan naamlik die Humansdorp Provinsiale Hospitaal (Staatshospitaal) en die Isivivana Privaat Hospitaal.
Sien ook [wysig]
Verwysings [wysig]
- Steyn, M. (1989). Honderd en Vyftig Jaar. Feesblad van die Nederduitse Gereformeerde Kerk Humansdorp, Humansdorp: NMB
