iDVD

in Wikipedia, die vrye ensiklopedie
Spring na: navigasie, soek
iDVD
Kort opsomming van die logo.
IDVD7.png
iDVD 7

Ontwikkelaar Apple Inc.
Aanvanklike vrystelling 9 Januarie 2001
Mees onlangse weergawe 7.1.2/ 11 Julie 2011; 2 jaar gelede (2011-07-11)
Bedryfstelsel Mac OS X
Lisensie Eiendomsprogrammatuur
Webblad Apple - iDVD

iDVD is ’n DVD-skeppingsprogrammatuurtoepassing wat deur Apple Inc. gemaak word vir Mac OS X. iDVD laat die gebruiker toe om QuickTime-video’s, MP3-musiek en digitale foto’s tot ’n DVD toe te voeg wat dan op ’n kommersiële DVD-speler gespeel kan word.[1] Dit word dikwels gesien as die laaste stap van Apple se iLife-pakket deur die resultate van al die ander iLife-toepassings op ’n verwyderbare medium saam te vat. Dit is vergelykbaar met Microsoft Windows se Windows DVD Maker.

Beskikbaarheid[wysig]

Hoewel dit oorspronklik slegs beskikbaar was vir Macs met ’n SuperDrive is dit tot en met 2011 gratis saam met elke nuwe Mac versprei; van iDVD 6 en verder ondersteun Apple die moontlikheid om projekte met derdeparty optiese drywe te skryf. iDVD word nie meer vooraf geïnstalleer op Mac wat uitkom met OS X 10.7 Lion nie en is nie meer in iLife ’11 wat van die Mac-toepwinkel afgelaai word nie, maar dit is nog deel van die verpakte weergawe van iLife ’11 wat beskikbaar is by die Apple-aanlynwinkel.[2]

Beskrywing[wysig]

Die program gebruik die konsep van temas om dit maklik te maak om DVD keuselysstelsels te skep. Die temas het ‘neersitsones’ waarop video’s en foto’s neergesit kan word. Die tema animeer outomaties die neersitsone indien nodig. iDVD het 100 verskillende Apple-ontwerpte geanimeerde temas, baie met verskillende subkeuselyste wat ooreenstem met die hooftema vir addisionele inhoud soos hoofstukke of ander ekstras in breëbeeld 16:9 of standaard 4:3 formate. Hierdie temas kan toegepas word op veelvuldige vlakke van ’n DVD.[3] Apple se beskrywing van iDVD meen dat dit met 150 temas verpak word maar daardie getal sluit subkeuselyste van elke tema in.

Die program integreer met die res van die iLife-pakket. iMovie-projekte en iPhoto-skyfievertonings kan direk na iDVD uitgevoer word. In die geval van iMovie-projekte word toneelkeuse-keuselyste outomaties geskep in ooreenstemming met hoofstukmerkers wat in iMovie gestel word. Die toepassing het ook ’n ‘Media’-area wat toegang verleen tot die gebruiker se iTunes- en iPhoto-biblioteke en Films-vouer. Daar is ook ’n kaart-uitsig wat ’n gebruiker die huidige projek in grafiese vorm laat sien.[4] ’n Ander eienskap is die vermoë om ’n benadering van die ‘TV-veilige area’ te toon (ou televisies sny dikwels gedeeltes van die video se buitenste gebiede uit). iDVD sluit ook ’n ‘OneStep DVD’-funksie in wat outomaties die verbinde DV-videokamera terugspoel en ’n DVD skryf van die beeldmateriaal wat op die kasset is.

iDVD kan ook integreer met Final Cut Express en Final Cut Pro.

Verskuilde ekstras[wysig]

Die iDVD-programmatuur kom met lettertipes wat nie geïnstalleer is nie om te verhoed dat dit by verstek beskikbaar is vir ander toepassings. Die lettertipes lê hier: /Programme/iDVD.app/Inhoud/Hulpbronne/Lettertipes/

Weergawegeskiedenis[wysig]

Weergawe Vrystellingsdatum Beskikbaarheid Nuwe eienskappe Notas
iDVD 9 Januarie 2001
iDVD 2 18 Julie 2001 Bewegende keuselyste
iDVD 3 7 Januarie 2003
  • Temas van iDVD 1 weggelaat
  • Neersitsones (die gebruiker kan aangeduide areas pasmaak met foot’s en video’s)
  • Verpak as deel van die iLife ’03-pakket
iDVD 4 6 Januarie 2004
  • Temas van iDVD 2 weggelaat
  • 30-sekonde keuselyslusbeperking weggelaat (die gebruiker kan die keuselyslus steel vir langer as 30 sekondes)
Verpak as deel van die iLife ’04-pakket.
iDVD 5 11 Januarie 2005
  • Neersitsones is genommer
  • Neersitsoneredigeerder (die gebruiker kan alle neersitsones in ’n keuselys in een slag redigeer)
  • Bewegingsafspeelkop (die gebruiker kan na ’n spesifieke punt in die keuselys gaan)
Verpak as deel van die iLife ’05-pakket. Onversoenbaar met later weergawes van Mac OS X 10.5
iDVD 6 10 Januarie 2006 Verandering van beeldverhouding (die gebruiker kan kies om ’n breëbeeldprojek te skep) Verpak as deel van die iLife ’06-pakket. Eerste weergawe van iDVD wat beskikbaar gestel is as ’n universele binêre. Bevat ook ’n verfynde uiterlike gebaseer op iTunes 5 en 6.
iDVD 7/ iDVD ’08 7 Augustus 2007 Temas van iDVD 1 en iDVD 2 herstel Verpak as deel van die iLife ’08-pakket.
iDVD ’09 27 Januarie 2009 Geen Verpak as deel van die iLife ’09-pakket.
iDVD ’11 20 Oktober 2010 Geen Verpak as deel van die iLife ’11-pakket.

Verwysings[wysig]

  1. (en) iDVD-les”. URL besoek op 21 Junie 2008.
  2. (en) Apple - MacBook Pro - Al die redes waarom u van ’n Mac sal hou”. URL besoek op 21 Oktober 2011.
  3. (en) Apple - iMac - Kom met programmatuur wat u graag sal gebruik”. URL besoek op 21 Oktober 2011.
  4. (en) Apple - MacBook Air - Toeps wat u wil en moet hê reeds ingesluit”. URL besoek op 21 Oktober 2011.

Eksterne skakels[wysig]


Hierdie artikel is in sy geheel of gedeeltelik vanuit die Engelse Wikipedia vertaal.