IUPAC

in Wikipedia, die vrye ensiklopedie
Spring na: navigasie, soek

Die International Union of Pure and Applied Chemistry (IUPAC) (Afrikaans: Internasionale Vereniging van Suiwer- en Toegepaste Chemie) is 'n internasionale nie-regeringsorganisasie wat in 1919 gestig is en die bevordering van Chemie ten doel het. Die lede van IUPAC is die nasionale chemie verenigings. Die organisasie is die bekendste daarvoor dat hulle die standaarde ontwikkel vir die benaming van chemiese elemente en hul verbindings, deur hul Komitee vir Nomenklatuur en Simbole (IUPAC Nomenklatuur). Die organisasie is ook 'n lid van die Internasionale Raad vir Wetenskap.

Behalwe vir die daarstel van nomenklatuur-riglyne is die organisasie ook verantwoordelik vir daarstel van internasionale spelstandaarde in die geval waar geskille mag bestaan; daar is byvoorbeeld bepaal dat die internasionale spelling van aluminium verkieslik is bo die Amerikaanse aluminum en dat die Amerikaanse spelling vir sulfur verkieslik is bo die Britse sulphur.

Baie IUPAC publikasies is oor die Internet verkrygbaar. Die boek - Quantities, Units and Symbols in Physical_Chemistry kan byvoorbeeld in sy geheel afgelaai word en die Compendium of Chemical Terminology kan aanlyn deursoek word.

'n Belangrike IUPAC bylaag ("Recommendations for nomenclature and tables in biochemical thermodynamics, 1994") is by www.chem.qmul.ac.uk beschikbaar.[1]

Verwysings[wysig]

  1. [1]