Idi Amin

in Wikipedia, die vrye ensiklopedie
Spring na: navigasie, soek
Idi Amin

Derde President van Uganda
Ampstermyn
1971 – 1979
Vise Mustafa Adrisi
Voorafgegaan deur Milton Obote
Opgevolg deur Yusufu Lule

Persoonlike besonderhede
Geboorte c. 1925
Sterfte 16 Augustus 2003
Jeddah, Saoedi-Arabië
Eggenoot/eggenote Malyamu Amin (geskei)
Kay Amin (geskei)
Nora Amin (geskei)
Madina Amin
Sara Amin
Religie Islam

Idi Amin Dada (c. 192416 Augustus 2003) was die President van Uganda van 1971 tot 1979. Hy was bekend vir sy lagwekkende uitsprake, byvoorbeeld dat hy die Britse ryk militêr verslaan het, maar sy nalatenskap is een van moord en doodslag. Amnestie Internasionaal bereken dat Amin tot soveel as 500,000 mense in Uganda laat vermoor het.

Hy het homself die titel van "Sy Hoogheid, Lewenslange President, Veldmaarskalk Al Hadji Doktor Idi Amin, Heer oor al die Wesens op Aarde en Visse in die See en Oorwinnaar oor die Britse Ryk in Afrika in die Algemeen en spesifiek Uganda" toegeëin.

Amin is op 11 April 1979 gedwing om uit Uganda te vlug nadat hy oorlog teen Tanzanië verklaar het. Laasgenoemde is deur Ugandese opposisiegroepe gesteun en Amin se bewind is beëindig. Hy het eers na Libië gevlug en later in ballingskap in Saoedi Arabië gebly. Hy is op 16 Augustus 2003 in Saoedi Arabië oorlede.