Idioom
in Wikipedia, die vrye ensiklopedie
'n Idioom is 'n spreekwoord, maar het gewoonlik 'n dieper betekenis wat uit die tradisies, geskiedenis en leefwyse van 'n volk gegroei het. Dit is nie altyd moontlik om die betekenis van 'n idioom uit die woorde af te lei nie, omdat dit baie op figuurlike spraak berus. Dis waarom idiome in Afrikaans nie noodwendig in Engels beskikbaar is nie. Afrikaans, as taal, is besonder ryk aan idiome.
Voorbeelde [wysig]
Enkele voorbeelde van idiome:
| Idioom | Betekenis |
|---|---|
| 'n Kat skiet | Braak, opgooi |
| Balke saag | Snork |
| Dadels van kom | Daar sal niks van kom nie |
| Die gees gee | Sterf / breek |
| Tweede kom | Sleg verloor |
| Van bakboord na stuurboord stuur | 'n Persoon herhalend na ander persone verwys / Instruksies gee wat onnodig kompleks is. |
| Jy kan dit vir die bobbejane vertel | Ek glo dit nie |
| Piet is been-af op Sannie | Piet is verlief op Sannie |
| Hy is haan onder die henne | Die enigste man tussen die vroue |
| In die haak wees | In orde wees |
| Elke haan is baas op sy eie mishoop | Elkeen wil op sy eie gebied baas wees |
| Iemand in die hare vlieg | Stry of baklei |
| Die hare laat waai | Woes baklei |
| Op iemand se hakke sit | Hom/haar voortdurend agtervolg |
| Iemand se hakskene word al rooi | Om te begin belangstel in die teenoorgestelde geslag |
| Die hand in eie boesem steek | Jouself ondersoek om te sien of daar nie skuld by jou lê nie |
| As een hand die ander was, word albei skoon | As die een die ander help, word albei bevoordeel |
| Iemand se hand in die as slaan | Om iemand by ‘n meisie uit te oorlê |
| Van die hand wys | Weier, afwys |
| Van die hand na die tand lewe | Net genoeg verdien om van te lewe |
| Die hand aan eie lewe slaan | Selfmoord pleeg |
| Die handdoek ingooi | Die stryd gewonne gee (oorspronklik in boks gebruik) |
| Met pens en pootjies | Heeltemal (met skoene en al) |
