Idols (Suid-Afrika)

in Wikipedia, die vrye ensiklopedie
Spring na: navigasie, soek

Idols is 'n Suid-Afrikaanse televisiewerklikheidsreeks van die televisienetwerk M-Net wat op die gewilde Britse reeks Pop Idol gebaseer is. Die reeks is 'n kompetisie om die beste jong sangeres of sanger in Suid-Afrika te identifiseer. Dit is in Seisoen 1 deur Candy Litchfield, Matthew Stewardson en Sami Sabitiin aangebied, in Seisoen 2 deur Colin Moss en Letoya Makhene, en in Seisoen 3 deur slegs Colin Moss.

In hierdie reeks oudisioneer deelnemers ten eerstens, maar later word hulle tot net twaalf finaliste uitgedun, met elke finalis wat regstreeks moet optree. Daar is vier beoordelaars. In Seisoen 1 was Randall Abrahams, Dave Thompson, Marcus Brewster en Penny Lebyane, en in Seisoen 2 is Brewster en Lebyane deur Mara Louw-Thomson en Gareth Cliff vervang. Die beoordelaars se doel is om kritiek op die deelnemers se opvoerings telewer. Kykers kan vir etlike ure ná die afloop van 'n uitsending hul stem vir hul gunsteling via telefoon, SMS of aanlyn plaas. Op die daaropvolgende aand se episode word die deelnemers met die minste stemme huis toe gestuur.

Die wenner van die eerste seisoen was Heinz Winckler, met Brandon October en Melanie Lowe in onderskeidelik die tweede en derde plekke. Die tweede seisoen is deur Anke Pietrangeli gewen, met Poseletso Sejosingoe om die tweede plek en Jacques Terre'Blanche in die derde.