Sekunjalo Independent Media

in Wikipedia, die vrye ensiklopedie
(Aangestuur vanaf Independent Newspapers)
Spring na: navigasie, soek
Sekunjalo Independent Media
Tipe Openbare maatskappy
Gestig 1936
Hoofkantoor Dublin, Republiek van Ierland
Sleutelpersone Vincent Crowley (hoof uitvoerende beampte)
Brian Hillery (hoof finansiële beampte)
Gebied bedien Wêreldwyd
Industrie Media
Produkte Koerante, tydskrifte, radio, onderwys en ander media-aktiwiteite.
Inkomste €605,3 miljoen[1] (2010)
Werknemers 9 600
Webwerf inmplc.com

Sekunjalo Independent Media (tot 2013 Independent News & Media (SA) (Edms) Beperk) is 'n Suid-Afrika mediagroep wat sedert Februarie 2013 besit word deur dr. Iqbal Survé se Sekunjalo Independent Media Consortium[2] nadat dit verkoop is deur die Britse Independent News & Media PLC waarvan sir Anthony O'Reilly die hoof- uitvoerende beampte is.

Die maatskappy het in 1889 as die Argus Printing Company ontstaan toe Francis Dormer dié maatskappy met noue bande met Cecil John Rhodes gestig het.[3] Die Argus Printing Company het Argus Newspapers Limited geword nadat dit deur Anglo American oorgeneem is. Dié mynmaatskappy het sy verbintenis met Argus Newspapers in 1994 beëindig toe hy 'n aandeel van 31% aan die eienaar van Independent News & Media van Ierland, Tony O'Reilly, verkoop het. O'Reilly besit 26% van die moedermaatskappy, wat 100% van die Suid-Afrikaanse maatskappy besit.

Bedrywighede[wysig]

Die Burgstraatse kant van die gebou wat die groep se Kaapse dagblaaie gehuisves het, maar in 2012 aan 'n eiendomsontwikkelaar verkoop is.[4]

Sekunjalo Independent Media publiseer 16 dag- en weekblaaie in Suid-Afrika se vernaamste stedelike gebiede, asook 14 gratis gemeenskapskoerante in die Kaapse Skiereiland. In Gauteng en KwaZulu-Natal besit hy belange in gratis gemeenskapskoerante.

In Kaapstad publiseer Independent die Engelstalige oggendblad Cape Times, die Engelstalige middagblad Cape Argus en die tweetalige (Afrikaans en Engels) poniedagblad Daily Voice, wat gemik is op Kaapstad se ontluikende massamark en as teenvoeter vir Media24 se suksesvolle poniedagblad Die Son begin het.

Die groep se belangrikste dagblad, die Engelstalige The Star, word in Johannesburg uitgegee tesame met die Saturday Star. Ook in Gauteng gee die groep die Engelstalige middagblad Pretoria News uit, terwyl die Engelstalige dagblad Diamond Fields Advertiser in Kimberley ook deel uitmaak van die groep se noordelike bedrywighede. Die Sunday Independent is gemik op die bokant van die Sondagmark. Danksy 'n ooreenkoms met die ander mediagroepe besit Independent 'n 25%-aandeel in 12 gratis gemeenskapskoerante in Pretoria.

Net soos in Gauteng en die Wes-Kaap, gee Independent ook drie dagblaaie in KwaZulu-Natal uit, almal in Durban. The Mercury is 'n Engelstalige oggendblad, die Daily News 'n Engelstalige middagblad en Isolezwe 'n Zoeloetalige oggendblad, waaruit die eerste Zoeloetalige webblad ter wêreld voortgespruit het. Die Post is gemik op die Indiërmark en verskyn weekliks op 'n Woensdag. Die groep gee ook die naweek koerante The Independent on Saturday en Sunday Tribune daar uit. Boonop besit Independent 'n belang van 33% in gemeenskapskoerante in en om Durban.

Op die internet is Independent die uitgewer van Suid-Afrika se voorste nuusportaal, www.iol.co.za, wat drie miljoen unieke besoekers 'n maand kry.

Vernaamste koerante[wysig]

Die Cape Argus, Weekend Argus en Cape Times is Independent se voorste Kaapse koerante.

Sien ook[wysig]

Verwysings[wysig]

Eksterne skakels[wysig]