Internasionale Paralimpiese Komitee
vanuit Wikipedia, die vrye ensiklopedie.
Die Internasionale Paralimpiese Komitee (IPK) is 'n internasionale nie-regeringsorganisasie wat op 22 September 1989 gestig is om na die belange van gestremde atlete om te sien.
Die komitee se naam is afgelei van die Griekse woord "para" (wat "parallel" of "saam met" beteken), en het niks te doen met parapleë nie.
Die IPK organiseer die Paralimpiese Spele en ander sportgeleenthede. Die IPK en sy Nasionale Paralimpiese Komitees organiseer ook Paralimpiese kompetisies op nasionale vlak.
'n Raad van vyftien lede sien na die daaglikse belange van die organisasie om tussen nasionale komitee-vergaderings. Sir Philip Craven is tans die komitee se voorsitter. Hy is ook 'n lid van die Internasionale Olimpiese Komitee.
