Isfara

in Wikipedia, die vrye ensiklopedie
Spring na: navigasie, soek

Isfara
Исфара
Isfara tea house.JPG

Kaart Vlag
Tajikistan-CIA WFB Map.png
Flag of None.svg
Wapen
Coats of arms of None.svg
 Land Vlag van Tadjikistan Tadjikistan
 Provinsie Sughd
 Koördinate 40°07′N 70°38′O
 Gestig op 10de eeu
 Oppervlakte:  
 - Totaal 832 vk km
 Hoogte bo seevlak 863 m
 Bevolking:  
 - Totaal (2008) 40 600
 - Bevolkingsdigtheid 48,8/vk km
 Tydsone UTC +5
 Burgemeester Muhiba Yakubova
 Amptelike webwerf

Isfara is 'n stad in die Sughd-provinsie in noordelike Tadjikistan. Dit het 'n bevolking van omtrent 40 600. Isfara is die hoofstad van die Isfara-distrik.

Geskiedenis[wysig]

Isfara is een van die oudste stede in Sentraal-Asië en het oorspronklik bekend gestaan as Asbara. Vroeër was dit 'n belangrike tussenstop op die noordelike tak van die bekende Groot Syroete, wat van Samarkand na Khojand en Isfara en van hier oor die berge na Kasjgar, Indië en Afghanistan geloop het. Isfara beskik met die Hazrati Shoh-praalgraf, wat uit hout vervaardig is, oor 'n unieke kunshistoriese erfenis uit hierdie periode.

In die 11de en 12de eeu het die stad ook 'n ekonomiese opswaai beleef. Baboer (1482-1530) het van Isfara een van die belangrikste stede in die gebied gemaak. Die stad se indrukwekkende groot historiese geboue soos byvoorbeeld moskees is in die 16de eeu opgerig. In die 17de eeu het Isfara onder die heerskappy van die Kokand-khanaat gekom.

Mense[wysig]

Die bevolking van Isfara is merendeels Tadjik.

Jaar Bevolking Tipe
1989 34 500 sensus
2000 37 000 sensus
2007 37 922 skatting

Ekonomie[wysig]

Sowat twintig nywerhede vervaardig elektriese, chemiese en metallurgiese produkte, boumateriale, voedsel- en ander produkte. Isfara staan daarnaas bekend vir sy appelkoostuine.