Jan F.E. Celliers
Jan Francois Elias Celliers, algemeen bekend as Jan F.E. Celliers (gebore 12 Januarie 1865 naby Wellington, Wes-Kaap toe die Kaapkolonie; oorlede 1 Junie 1940 in Harrismith, Vrystaat) was 'n Afrikaanse digter.
Celliers het in 1874 met 'n ossewa na Pretoria getrek, waar sy vader, Jan F. Celliers oprigter en eerste redakteur geword het van De Volksstem. Hy het gestudeer in Pretoria, Stellenbosch, Wellington en Delft 1887-1890. Daarna het hy gewerk as landmeter en later as staatsbibliotekaris op Pretoria (1894 - 1899). Tydens die Anglo-Boereoorlog was hy op kommando en het ná die oorlog saam met sy gesin na Europa verhuis, waar hy hom in die letterkunde verdiep het. In 1907 keer het hy en sy gesin terug na Suid-Afrika.
Hy was die medestigter van "Die Brandwag", wat bedoel was om Afrikaans as taal te bevorder. Hy was in hierdie tyd ook werksaam aan die departement van binnelandse Sake in Pretoria. Van 1918 tot met sy aftrede was hy professor aan die Universiteit van Stellenbosch. Ná sy aftrede vestig hy hom eers in Kaapstad, maar later op Harrismith in die Vrystaat.
[wysig] Bronnelys en verwysings
- E. C. Pienaar (1935). Digters uit Suid-Afrika: Bloemlesing uit die Poësie van die Tweede Afrikaanse Taalbeweging. Sewende hersiene en vermeerderde druk. H.A.U.M. v/h J. Dusseau & Co., Kaapstad.
1Lindenberg, E., et al. "Inleiding tot die Afrikaanse Letterkunde". Pretoria en Kaapstad: Vyfde uitgawe, 1980.
[wysig] Eksterne skakels
