Jaroslaf III van Twer

in Wikipedia, die vrye ensiklopedie
Spring na: navigasie, soek
Jaroslaf III
Grootprins van Wladimir
Jaroslaf III van Twer in Weliki Nowgorod
Jaroslaf III van Twer in Weliki Nowgorod
Periode 1264–1271
Voorganger Aleksander Nefski
Opvolger Wasili van Kostroma
Huis Rjoerik
Ander titels Prins van Twer, Prins van Nowgorod

Jaroslaf III (Russies: Ярослав Ярославич; 12209 September 1271) was die eerste prins van Twer en van 1264 tot 1271 die tiende grootprins van Wladimir. Jaroslaf en sy seun Michail het Twer van ’n klein dorpie verander in een van die grootste magsentrums in Middeleeuse Rusland. Al die ander prinse van Twer is afstammelinge van Jaroslaf.

Hy was die seun van Jaroslaf II van Wladimir en die jonger broer van Aleksander Nefski. In 1247, toe hy nog minderjarig was, het hy die dorp Twer van sy oom gekry.

In 1252 het Jaroslaf en sy broer Andrei II Aleksander se hoofstad, Pereslawl-Zalesski, binnegeval. Aleksander het teruggeveg met die hulp van Mongoolse magte en Jaroslaf se kinders gevange geneem. Jaroslaf het na Ladoga gevlug, waar hy deur Nowgorod gevra is om Aleksander as hulle militêre aanvoerder op te volg. Twee jaar later het hy Nowgorod aangevoer teen die Duitse Orde.

Ná Aleksander se dood in 1263 het Jaroslaf en Andrei stry gekry oor wie die volgende grootprins moes word. Hulle het die Goue Horde besoek en hulle het Jaroslaf gekies. Dié het egter in Nowgorod gaan woon en met die dogter van ’n plaaslike bojaar getrou. Verskeie faksies van Nowgorod het teen hom saamgesweer en beplan om sy broer Wasili van Kostroma of Aleksander se seun Dmitri op die troon te plaas.

In 1270 het die leërs van drie prinse naby die dorp Staraja Roessa gereed gestaan om te veg. Die biskop het hulle egter laat versoen. Jaroslaf het Nowgorod aan sy broerskind oorgegee en hom na Sarai, die Mongoolse khans se hoofstad, vergesel. Op 9 September 1271 op pad terug na Twer is hy dood. Hy is ná sy dood in Twer opgevolg deur sy oudste seun, Swjatoslaf, en toe deur ’n beroemder een, Michail.


Crystal txt.png

Hierdie artikel is vertaal vanuit die Engelse Wikipedia

Grootprinse en tsare van die Rjoerik-dinastie
Grootprinse Rjoerik · Oleg · Igor I · Olga · Swjatoslaf I · Jaropolk I · Wladimir I die Grote · Swjatopolk I · Jaroslaf I die Wyse · Isjaslaf I · Swjatoslaf II · Wsewolod I · Swjatopolk II · Wladimir Monomach · Mstislaf I · Jaropolk II · Wsewolod II · Igor II · Isjaslaf II · Joeri I Dolgoroeki · Andrei Bogoljoebski · Michail van Wladimir · Wsewolod die Groot Nes · Konstantyn · Joeri II · Jaroslaf II · Swjatoslaf III · Andrei II · Aleksander Nefski · Jaroslaf III van Twer · Wasili · Dmitri I · Andrei III · Michail · Joeri III · Dmitri II · Aleksander · Iwan I · Semjon die Trotse · Iwan II · Dmitri Donskoi · Wasili I · Wasili II · Iwan III die Grote · Wasili III
Tsare Iwan IV die Verskriklike · Fjodor I