Jelagin-eiland

in Wikipedia, die vrye ensiklopedie
Jelagin-eiland
Inheemse naam: Елагин остров
Die ligging van Jelagin-eiland (no. 3 op die kaart)
Die ligging van Jelagin-eiland (no. 3 op die kaart)
Geografie

Ligging Golf van Finland

Oppervlakte 94 ha.

Administrasie
Vlag van Rusland Rusland
Stad Sint Petersburg

Jelagin-eiland

Jelagin-eiland (Russies: Елагин остров) is ’n eiland in Sint Petersburg, Rusland, wat in die delta van die Newarivier lê tussen die Groot- en die Middel-Nefka. Dit word met brûe aan Krestofski- en Kamenni-eiland en aan Primorski verbind. Dit kan ook met die Krestofski Ostrof- en die Staraja Derewnja-moltreinstasie bereik word.

Die bekendste baken is die Jelagin-paleis, een van die min geboue op die eiland. Dit was aanvanklik ’n ontspanningsplek vir die adel. Dit was eers bekend as Melgoenof-eiland en kry sy huidige naam van sy eertydse eienaar, Iwan Jelagin (1725–1793), die stigter van die Russiese Vrymesselaars. Ná die Russiese Rewolusie is die eiland oopgestel vir die publiek as ’n openbare park wat genoem is na die Bolsjewistiese leier Sergei Kirof.

Die eiland is ’n gewilde naweekbestemming vir inwoners van Sint Petersburg. Besoekers kan bote huur om op die eiland se verskeie damme en kanale te vaar. Ook rolskaatse en fietse kan gehuur word en kinders kan op ponies en miniatuurtreine ry. Daar is verskeie wandelpaaie van verskeie kilometers.

Verwysings[wysig | wysig bron]

Koördinate: 59°58′46″N 30°16′05″O / 59.979407°N 30.26808°O / 59.979407; 30.26808