Joe Slovo

Joe Slovo (Obelai, 23 Mei 1926 – 6 Januarie 1995) was 'n Suid-Afrikaanse politikus, leier van die Suid-Afrikaanse Kommunistiese Party, en 'n vooraanstaande lid van die ANC.

Slovo is in Obelai in Litaue vanuit 'n Joodse familie gebore. Hy emigreer in 1933 na Johannesburg in Suid-Afrika, waar Slovo al op 'n jeugdige leeftyd (in 1941) 'n lid van 'n landelike vakbond word. In 1942 sluit hy by die SAKP aan, maar tydens die oorlogsjare (1942-1945) was hy meer aktief as 'n militêre vrywilliger.

Terug in Suid-Afrika studeer Slovo regte aan die Universiteit van die Witwatersrand, waar hy met onder andere Nelson Mandela en Harry Schwarz bevriend raak.

Tussen 1984 en 1991 was Slovo die Sekretaris-Generaal van die SAKP. Vanaf April 1994 tot met sy dood in Januarie 1995 funksioneer hy as Minister van Behuising in die Kabinet van Nelson Mandela.