Joeri III van Moskou

in Wikipedia, die vrye ensiklopedie
Spring na: navigasie, soek
Joeri III
Prins van Moskou
Grootprins van Wladimir'
Jurij of Moscov.jpg
Periode 1317-1325
Voorganger Michail
Opvolger Dmitri II
Huis Rjoerik
Vader Daniil van Moskou
Gebore 1281
Oorlede 1325

Joeri III van Moskou (Russies: Юрий Данилович; 128121 November 1325) was van 1303-1325 prins van Moskou en van 1317 af grootprins van Wladimir.

Joeri was die oudste seun van Daniil, die eerste prins van Moskou. Sy eerste groot taak was om Pereslawl-Zalesski te verdedig teen Andrei III van Gorodets. Ná Andrei se dood die volgende jaar was Joeri in ’n stryd gewikkel met Michail van Twer vir die amp van grootprins van Wladimir. Terwyl Twer se leër Pereslawl en Moskou self beset het, het Michail na die Goue Horde gegaan waar die Mongoolse khan hom aangestel het as die Russiese grootprins.

In 1314 het Joeri ’n militêre verbond met Nowgorod gesluit teen Michail. In 1315 is Joeri na die Goue Horde, waar hy ná twee jaar ’n verbond met khan Oezbeg gesluit het en met sy suster getroud is. Oezbeg het hom gesteun in sy stryd teen Michail en hom aangestel as grootprins van Wladimir. Michail het hom egter verslaan en sy vrou, die khan se suster, gevange geneem. Joeri het na Nowgorod gevlug. Intussen is sy vrou skielik in Michail se sorg dood en laasgenoemde is van haar moord beskuldig, hoewel dit onwaarskynlik was, want hy moes geweet het dit sou hom polities skaad. Hy is ook daarvan beskuldig dat hy belasting van die khan weerhou en die Mongole teengestaan het. Michail is voor die khan gedaag en op 22 November 1318 tereggestel.[1]

Joeri, wat ongewild was onder die ander prinse en die res van die bevolking, het in 1319 na Rusland teruggekeer. Hy moes nou die belasting vir die khan invorder. Michail se seun en opvolger, Dmitri van Twer, het hom egter steeds teengestaan. In 1322 het Dmitri die Goue Horde besoek en die khan oorreed dat Joeri ’n groot deel van die belasting vir homself hou. Joeri is voor die khan gedaag, maar is voor ’n amptelike ondersoek deur Dmitri vermoor. Agt maande later is Dmitri self in die Goue Horde vermoor.[2]

Verwysings[wysig]

  1. Martin, Medieval Russia, 175; John Fennell, "Princely Executions in the Horde 1308-1339," Forschungen zur Osteuropaischen Geschichte 38 (1988), 9-19.
  2. John Fennell, "Princely Executions in the Horde 1308-1339," Forschungen zur Osteuropaischen Geschichte 38 (1988), 9-19.


Crystal txt.png

Hierdie artikel is vertaal vanuit die Engelse Wikipedia

Grootprinse en tsare van die Rjoerik-dinastie
Grootprinse Rjoerik · Oleg · Igor I · Olga · Swjatoslaf I · Jaropolk I · Wladimir I die Grote · Swjatopolk I · Jaroslaf I die Wyse · Isjaslaf I · Swjatoslaf II · Wsewolod I · Swjatopolk II · Wladimir Monomach · Mstislaf I · Jaropolk II · Wsewolod II · Igor II · Isjaslaf II · Joeri I Dolgoroeki · Andrei Bogoljoebski · Michail van Wladimir · Wsewolod die Groot Nes · Konstantyn · Joeri II · Jaroslaf II · Swjatoslaf III · Andrei II · Aleksander Nefski · Jaroslaf III van Twer · Wasili · Dmitri I · Andrei III · Michail · Joeri III · Dmitri II · Aleksander · Iwan I · Semjon die Trotse · Iwan II · Dmitri Donskoi · Wasili I · Wasili II · Iwan III die Grote · Wasili III
Tsare Iwan IV die Verskriklike · Fjodor I