Joeri II van Wladimir

in Wikipedia, die vrye ensiklopedie
Spring na: navigasie, soek
Joeri II
Grootprins van Wladimir
Die vlug van Joeri II van Wladimir
Die vlug van Joeri II van Wladimir
Periode 1212–1216
1218–1238
Voorganger Wsewolod die Groot Nes
Konstantyn
Opvolger Konstantyn
Jaroslaf II
Huis Rjoerik
Vader Wsewolod die Groot Nes
Moeder Maria Sjwarnowna
Gebore 1189
Oorlede 4 Maart 1238

Joeri II (Russies: Юрий II; 11894 Maart 1238) was grootprins van Wladimir (1212–1216, 1218–1238) in die tyd van die Mongoolse inval.

Mongole voor die mure van Wladimir.

Hy was die derde en mees geliefde seun van Wsewolod die Groot Nes en Maria Sjwarnowna. Hy het in 1208 die eerste keer roem behaal tydens die gevegte teen Rjazan. Sy pa wou hê Joeri moes Rostof erf en sy ouer broer Konstantyn Wladimir. Laasgenoemde het egter verklaar hy sou óf oor albei stede óf oor niks regeer. Daarna het Wsewolod Konstantyn onterf en die troon aan Joeri nagelaat.

Ná Wsewolod se dood het Konstantyn vir Joeri en sy broers verslaan en Wladimir oorgeneem. Hy het Joeri gestuur om oor Rostof en Jaroslawl te regeer. Twee jaar later is Konstantyn dood en het Joeri na Wladimir teruggekeer. Tydens sy bewind het Joeri verskeie oorloë teen die Wolga-Bulgare gevoer en het hy die fort Nizjni Nowgorod aan die Wolga gebou om die land te beskerm teen aanvalle deur die Bulgare. Hy het sy jonger broer Jaroslaf oor Nowgorod laat regeer.

Toe die Mongole Wladimir in 1237 aanval, is Joeri se seuns naby Kolomna verslaan. Joeri self het net-net na Jaroslawl ontsnap. Sy vrou en hele gesin is in Wladimir dood toe die kerk waar hulle geskuil het, ineengestort het. Joeri is self op 4 Maart 1238 dood toe groot Mongoolse magte die leër van Wladimir-Soezdal verslaan het.

Crystal txt.png

Hierdie artikel is vertaal vanuit die Engelse Wikipedia

Grootprinse en tsare van die Rjoerik-dinastie
Grootprinse Rjoerik · Oleg · Igor I · Olga · Swjatoslaf I · Jaropolk I · Wladimir I die Grote · Swjatopolk I · Jaroslaf I die Wyse · Isjaslaf I · Swjatoslaf II · Wsewolod I · Swjatopolk II · Wladimir Monomach · Mstislaf I · Jaropolk II · Wsewolod II · Igor II · Isjaslaf II · Joeri I Dolgoroeki · Andrei Bogoljoebski · Michail van Wladimir · Wsewolod die Groot Nes · Konstantyn · Joeri II · Jaroslaf II · Swjatoslaf III · Andrei II · Aleksander Nefski · Jaroslaf III van Twer · Wasili · Dmitri I · Andrei III · Michail · Joeri III · Dmitri II · Aleksander · Iwan I · Semjon die Trotse · Iwan II · Dmitri Donskoi · Wasili I · Wasili II · Iwan III die Grote · Wasili III
Tsare Iwan IV die Verskriklike · Fjodor I