Joseph Heller

in Wikipedia, die vrye ensiklopedie
Spring na: navigasie, soek
Joseph Heller, Miami Book Fair International, 1986

Joseph Heller (gebore 1 Mei 1923 in Brooklyn, New York Stad12 Desember 1999 in East Hampton, New York) was 'n Amerikaanse satirikus. Hy het die invloedryke roman Catch-22 omtrent Amerikaanse soldate tydens die Tweede Wêreldoorlog geskryf. Die titel het spreekwoordelik geword in die Engelse taal van absurde keuses.Hy word wyd beskou as een van die beste post-Wêreldoorlog satirikuste. Alhoewel hy hoofsaaklik vir Catch-22 onthou word, het sy skryfwerk gefokus op die lewens van verskeie lede van die middelklas, en bly hulle goeie voorbeelde van moderne satire.

Biografie[wysig]

Sy ouers was Joodse immigrante vanaf Rusland. Sy vader sterf toe hy net vier jaar oud was. Na skool werk hy as die assistant van 'n ystersmit, 'n boodskapper en as 'n liasseerklerk. Hy sluit by die Amerikaanse lugmag aan in 1942, en vlieg meer as 60 sendings twee jaar later in Italië. Na die oorlog begin hy studeer en verkry sy M.A. in Engels in 1949. Na 'n jaar in Engeland as 'n Fulbright-student , doseer hy vir twee jaar by die Penn State University en daarna as 'n kopieskrywer vir 'n klein advertensiemaatskappy. In 1981 doen Heller Guillian-Barré-sindroom op. Hy bring ses maande in die bed deur voordat hy begin herstel. In 1984 skei hy van Shirley, sy vrou van 35 jaar, en trou met Valerie Humphries, die verpleegster wat betrokke was by sy herstel. Hy sterf aan ‘n hartaanval kort nadat hy sy laaste roman voltooi het.

Verkorte bibliografie[wysig]

  • Catch-22 -- 1961.
  • Something Happened -- 1974
  • Good as Gold-- 1979.
  • God Knows -- 1984.
  • Picture This -- 1988.
  • Closing Time -- 1994.
  • Portrait of an Artist, as an Old Man-- 2000.

Bronne[wysig]

  • Vertaal en verkort vanaf Joseph Heller op die Engelse wikipedia.