Joseph Smith

in Wikipedia, die vrye ensiklopedie
Spring na: navigasie, soek
Joseph Smith

Joseph Smith, Jr. (* 23 Desember 1805 in Sharon, Windsor County, Vermont; † 27 Junie 1844 in Carthage, Illinois) was die stigter van die Heiliges van die Laaste Dae, 'n godsdienstige stroming wat ook as Mormonisme bekend staan, en het in die 1830's en 1840's 'n beduidende invloed op die religieuse en politieke lewe in die Verenigde State uitgeoefen.

Met sy beweerde vertaling van 'n aantal goue plate, wat hy van 'n engel ontvang het en waarin Jesus van Nasaret se besoek aan die inheemse volke van Amerika beskryf word, het hy 'n eerste groep aanhangers aangetrokke. Die vertaling van die teks het in 1830 as die Boek van Mormon verskyn, en in dieselfde jaar het Smith sy eie geloofsgemeenskap, die Kerk van Jesus Christs van die Heiliges van die Laaste Dae, gestig.

In die 1830's het Smith oorwegend in Kirtland in die deelstaat Ohio gebly wat as hoofkwartier van sy kerk gedien het. Eers nadat die koste vir die oprigting van 'n groot tempel handuit geruk en konflikte binne die geloofsgemeenskap na vore getree het, het Smith met sy aanhangers na Missouri verhuis. Spanninge met teenstanders van sy geloof het in 1838 tot onluste gelei waarna later as "Mormone-oorlog" verwys is. Smith en sy aanhangers het hulle vervolgens in Nauvoo, Illinois gevestig waar hulle met die oprigting van 'n tweede tempel begin het. Die beweging het intussen ook aanhangers uit Europa gelok.

Aantygings oor die beweging se poligamiese praktyke en beweerde pogings om 'n religieuse outokratie te vestig het skerp kritiek van 'n plaaslike dagblad uitgelok, tog het Smith daarin geslaag om hierdie kritiese stemme te onderdruk. Smith is kort daarna deur 'n menigte felle teenstanders van sy beweging vermoor.

Smith het steeds 'n omstrede persoonlikheid gebly. Terwyl sy aanhangers hom as 'n profeet beskou en sommige van sy openbarings as heilige skrifte gekanoniseer het wat aan die Christelike Bybel gelykgestel word, verwys kritici na die gebrek aan aregologiese bewyse vir sy bewerings en kritiese analises van sy tekste wat hom as die skrywer daarvan identifiseer.

Nogtans sluit Smith se religieuse erfenis 'n aantal religieuse organisasies met miljoene aanhangers in waarby die spektrum van konserwatiewe soos die "Kerk van Jesus Christus van die Heiliges van die Laaste Dae" (tans die grootste organisasie binne die Mormonisme) tot meer liberale gemeenskappe soos die Community of Christ kan strek.

Eksterne skakels[wysig]

The Joseph Smith Papers - Die Joseph Smith Papiere (Engels)