Justinianus II van Bisantium

in Wikipedia, die vrye ensiklopedie
Spring na: navigasie, soek
Justinianus II
Keiser van die Bisantynse Ryk
’n Muntstuk wat Justinianus II uitbeeld.
’n Muntstuk wat Justinianus II uitbeeld.
Bewind 685695
705 – Desember 711
Dinastie Herakleios
Gebore 668/669
Oorlede 11 Desember 711
Voorganger Konstantyn IV
Tiberius III
Opvolger Leontios
Philippikos Bardanes
Eggenote Eudokia
Theodora
Kinders Anastasia
Tiberius
Vader Konstantyn IV
Moeder Anastasia

Justinianus II (Grieks: Ιουστινιανός Β΄; (668/669 – 11 Desember 711) was die Bisantynse keiser van 685 tot 695 en weer van 705 tot 711. Hy was ook bekend as Justinianus met die Afgesnyde Neus (Latyn: Rhinotmetus; Grieks: ὁ Ῥινότμητος) en was die laaste keiser van die Dinastie van Herakleios.

Bewind[wysig]

Justinianus was ’n ambisieuse en passievolle leier wat graag die ryk tot sy voormalige glorie wou herstel, maar hy het enige teenstand swak hanteer en het nie die afronding van sy pa, Konstantyn IV, gehad nie.[1] Daar was dus groot teenstand teen sy bewind en hy is in 695 van die troon afgesit in ’n volksopstand en deur die leier van die opstand, Leontios, vervang.[1] Justinianus se neus is afgesny (omdat van keisers verwag is om ’n weerspieëling van God te wees, dus sonder enige ontsierings) en hy is na die Krim verban.[1] Ná drie jaar is Leontios ook van die troon afgesit en hy is deur Tiberius III vervang.[2]

In 705 het Justinianus II na die troon teruggekeer met die hulp van ’n Bulgaarse en Slawiese leër. Sy tweede bewind was selfs meer despoties as sy eerste, en sy bewind is weer in 711 beëindig toe sy leër teen hom draai en hom doodmaak. Hy is opgevolg deur generaal Bardanes, wat as Philippikos regeer het.

Gesin[wysig]

Justinianus het by sy eerste vrou, Eudokia, ’n dogter, Anastasia, gehad en by sy tweede vrou, Theodora van Chazarië, ’n seun, Tiberius, wat van 706 tot 711 medekeiser was. Tiberius is ook vermoor nadat Justinianus die tweede keer onttroon is, en so is die manlike lyn van keiser Herakleios uitgewis.

Verwysings[wysig]

  1. 1,0 1,1 1,2 Ostrogorsky, George; Hussey (trans.), Joan (1957), History of the Byzantine state, New Brunswick, N.J.: Rutgers University Press, ISBN 0-8135-0599-2 
  2. Bury, J.B., A History of the Later Roman Empire from Arcadius to Irene, Vol. II, MacMillan & Co., 1889

Eksterne skakels[wysig]

Keisers van die Bisantynse Ryk
Palaiologos-Dynasty-Eagle.svg
Konstantyn die GroteConstantius IIConstans IJulianusJovianusValentinianus IValensGratianusTheodosius IArcadiusTheodosius IIMarcianusLeo ILeo IIZenoBasiliscusAnatasius IJustinus IJustinianus IJustinus IITiberius IIMauriciusPhokasHerakleiosKonstantyn IIIHeraklonasConstans IIKonstantyn IVJustinianus IILeontiosTiberius IIIJustinianus IIPhilippikosAnastasius IITheodosius IIILeo IIIKonstantyn VArtabasdosLeo IVKonstantyn VIIreneNikephoros IStaurakiosMichael ILeo VMichael IITheophilusMichael IIIBasilius ILeo VIAlexanderKonstantyn VIIRomanos IRomanos IINikephoros IIJohannes IBasilius IIKonstantyn VIIIZoëRomanos IIIMichael IVMichael VTheodoraKonstantyn IXMichael VIIsak IKonstantyn XMichael VIIRomanos IVNikephoros IIIAlexios IJohannes IIManuel IAlexios IIAndronikos IIsak IIAlexios IIIIsak IIAlexios IVAlexios VTheodoros IJohannes IIITheodoros IIJohannes IVMichael VIIIAndronikos IIAndronikos IIIJohannes VJohannes VIAndronikos IVJohannes VJohannes VIIJohannes VManuel IIJohannes VIIIKonstantyn XI