Köpenick

in Wikipedia, die vrye ensiklopedie
Spring na: navigasie, soek
Köpenick
Die Salvador Allende-woonbuurt
Die Salvador Allende-woonbuurt
Ligging in Berlyn
Ligging in Berlyn
Koördinate: 52°26′45″N 13°34′38″O
Land Vlag van Duitsland Duitsland
Deelstaat Berlyn
Distrik Treptow-Köpenick
Eerste verwysing 1210
Oppervlak
 - Stadsdeel 34,9 km²  (13,5 vk m)
Hoogte 35 m (115 vt)
Bevolking (30 Junie 2012)
 - Stadsdeel 60 152
 - Digtheid 1 723/km² (4 462,5/myl2)
Tydsone MET (UTC+1:00)
 - Somer (DST) MEST (UTC+2:00)
Poskode 12459, 12555, 12557, 12559, 12587
Skakelkode(s) 030

Köpenick is 'n stadsdeel in die administratiewe distrik Treptow-Köpenick in die suid-ooste van Berlyn by die samevloeiing van die Spree- en Dahme-riviere, met 'n bevolking van sowat 60 000.

In teenstelling met die meeste ander van die altesaam 95 Berlynse stadsdele, wat uit voormalige dorpe of woonbuurte ontstaan het wat eers ná die nywerheidsomwenteling aangelê is, is Köpenick naas Spandau in die uiterste weste van Berlyn die enigste stadsdeel wat reeds in die Middeleeue as nedersetting met stadstatus bestaan het. Köpenick beskik net soos Spandau oor 'n historiese middestad, wat grotendeels bewaar gebly het, en sy eie voorstede.

Köpenick is op 1 Oktober 1920 ingevolge die bepalings van die Wet oor Groot-Berlyn by Berlyn ingesluit. Tot met die administratiewe hervorming van 1 Januarie 2001 het Köpenick as selfstandige administratiewe distrik bestaan (en was tot 1990 een van die stadsdistrikte van Oos-Berlyn). Naas die stadsdeel Köpenick maak ook ander stadsdele deel uit van die groter distrik Köpenick. Die huidige stadsdeel Köpenick behels alle woonbuurte van die voormalige stad Köpenick en beslaan vanweë sy uitgestrekte bosgebiede 'n oppervlakte van byna 35 km². Dit is sodoende die grootste stadsdeel van Berlyn.